कागवाड तालुक्यातील उगार खुर्द येथे उगार लायन्स क्लब, उगार मेडिकल असोसिएशन आणि उगार शुगर्स यांच्या संयुक्त विद्यमाने मोफत आरोग्य तपासणी शिबीर घेण्यात आले. यावेळी सांगली येथील प्रसिद्ध “उषकाल” रुग्णालयाच्या वैद्यकीय पथकाने हृदयविकार आणि मधुमेहाने ग्रस्त रूग्णांची तपासणी केली.

उगार लायन्स क्लबचे अध्यक्ष ज्योतिकुमार पाटील, उगार मेडिकल असोसिएशनचे अध्यक्ष डॉ. आनंद मुतालिक, उगार साखर कारखाना आरोग्य केंद्राचे वैद्यकीय अधिकारी डॉ. सागर माळी यांच्या नेतृत्वाखाली ‘उषकाल’ रुग्णालयाचे वरिष्ठ डॉक्टर डॉ. राहुल गायकवाड व त्यांच्या टीमने मोफत आरोग्य तपासणी शिबिर घेतले.

उगार लायन्स क्लबचे अध्यक्ष ज्योतीकुमार पाटील, सचिव डॉ. मोहन कटीगेरी म्हणाले की, उगार लायन्स क्लबने आतापर्यंत अनेक कल्याणकारी प्रकल्प केले आहेत, आज सांगलीच्या प्रसिद्ध “उषकला” रुग्णालयातील डॉक्टरांच्या पथकाने येऊन येथील अनेक गरीब रुग्णांचे बीपी, शुगर व इतर आजारांची तपासणी करून ईसीजी केली. राज्य शासनाच्या आयुषमान भारत योजनेंतर्गत या रुग्णालयात मोफत हृदय बायपास शस्त्रक्रिया उपलब्ध आहे. याचा फायदा घ्या असे त्यांनी सांगितले.

डॉ. राहुल गायकवाड म्हणाले, डॉ. मिलिंद पारेख यांच्या नेतृत्वाखाली सुरु झालेल्या उषकाल रूग्णालयात सर्व प्रकारची उपचार व्यवस्था उपलब्ध करून दिली जात आहे, शासनाच्या आयुष्मान भारत योजनेंतर्गत सर्व हृदयविकार मोफत दिले जातात, शिबिराचा लाभ घ्या, असे त्यांनी सांगितले.

उगार मेडिकल असोसिएशनचे अध्यक्ष डॉ. आनंद मुतालिक, सचिन निकम यांनी शिबिरात रुग्णांना मार्गदर्शन केले.
शिबिर यशस्वी करण्यासाठी उगार लायन्स क्लबचे सचिव डॉ. मोहन कटीगेरी, शशिकांत जोशी, बी.बी.कागे, मनोज मलगट्टे, सचिन पोतादार, सुभाष हेब्बळे, आप्पासाहेब कुंभार, कुंभार, डॉ. सागर माळी, उषकाल रुग्णालयाच्या वैद्यकीय पथकातील डॉ. पी. एम. शहा, विश्वजीत पाटील, डॉ. शितल जमखंडी, डॉ. हरीश साळुंके, डॉ. सोमनाथ आदींनी परिश्रम घेतले.