आमच्यात कोणताही गोंधळ नाही, आम्ही सर्व एकत्र आहोत, आम्ही तीन टीममध्ये राज्याचा दौरा करणार आहोत, काँग्रेसची बस पहिल्याच ट्रिपमध्ये पंक्चर झालीय. त्याबाबत कुणालाही शंका नसावी, राज्यात पुन्हा कमळ फुलणार हे निश्चित आहे, असे केंद्रीय संसदीय मंडळाचे सदस्य, माजी मुख्यमंत्री बी.एस. येडियुरप्पा यांनी सांगितले.

बेंगळूर येथील राजवाडा मैदानावर आयोजित प्रदेश भाजपच्या विशेष कार्यकारिणीच्या बैठकीला संबोधित करताना येडियुरप्पा म्हणाले की, केंद्रीय अर्थसंकल्पात कर्नाटकसाठी मोठे योगदान देण्यात आले आहे. या निवडणुकीत आम्ही 130-140 जागा जिंकू. भाजप सत्तेवर येणार, कोणीही रोखू शकत नाही, काँग्रेसमध्ये मुख्यमंत्र्यांच्या खुर्चीसाठी संघर्ष सुरू आहे, काँग्रेसचा नेता कोण? असा सवाल त्यांनी राहुल गांधी यांनी केला.

पंतप्रधान नरेंद्र मोदी आणि केंद्रीय गृहमंत्री अमित शहा यांच्या नेतृत्वाखाली राज्यात भाजप पुन्हा सत्तेत येणार आहे. आमचे प्रकल्प राज्यातील जनतेच्या दारापर्यंत पोहोचले आहेत. राज्याच्या अर्थसंकल्पात जनतेला अधिक विशेषाधिकार देऊ. भारतीय अर्थव्यवस्था चांगली आहे. भाजपला राज्यात सत्तेत येण्यापासून कोणीही रोखू शकत नाही. हा विश्वास आपल्या सर्वांवर ठेवा, अनुसूचित जाती-मागासवर्गीयांचे प्रश्न विचारा आणि सोडवा, असा सल्ला त्यांनी दिला.

आम्ही गोहत्या बंदी कायदा केला आहे. अयोध्येत राममंदिर बांधणार, विकास भवनासमोर आंबेडकर शिर्ष भवन बांधणार. काँग्रेस पक्षाचे नेते बस यात्रा करत आहेत. काँग्रेसमध्ये असंतोष आणि नाराजी ओसंडून वाहत असल्याचे आपण पाहत आहोत. आमच्यात कोणताही गोंधळ नाही, आम्ही सर्व एकत्र आहोत. आम्ही तीन टीममध्ये राज्याचा दौरा करणार आहोत. काँग्रेसची बस यात्रा सुरू झाली असली तरी असंतोष आहे. माजी डीसीएम जी. परमेश्वरही नाराज आहे. प्रवासाच्या पहिल्या टप्प्यातच काँग्रेसची बस पंक्चर झाली असा टोला त्यांनी हाणला.

भाजपचे प्रदेश प्रभारी अरुण सिंह म्हणाले की, भाजपसारखे संघटन इतर पक्षांमध्ये नाही, आम्हाला मिळालेले कार्यकर्ते हे देवाची देणगी आहेत, काँग्रेस पक्षात अशी संघटना आणि कार्यकर्ते नाहीत. येडियुरप्पा सरकार आणि बोम्मई सरकारने अनेक कल्याणकारी योजना दिल्या आहेत, त्यांच्या मदतीने आम्ही पुन्हा जिंकू आणि राज्यात सत्ता मिळवू, असे ते म्हणाले.

येडियुरप्पा यांच्यासारखा नेता मिळणे हे वरदानच आहे, आमच्याकडे सर्व काही आहे, आम्हाला निवडणूक जिंकण्याचा विश्वास आहे, काँग्रेसमध्ये नेता नाही, नेतृत्व नाही, अनेक नेते काँग्रेस सोडत आहेत. राहुल गांधींना कळत नाही की ते काय बोलत आहेत, काँग्रेसकडे धोरण नाही, मालमत्ता लुबाडण्याचे त्यांचे राजकारण आहे.

सिद्धरामय्या हिंदूंचा अपमान करणारी विधाने करतात. लोकांना याची जाणीव आहे. काँग्रेसवाले घोषणा देत आहेत. आर्थिक माहिती नसताना खोटी आश्वासने देत आहेत आणि मध्य प्रदेश आणि छत्तीसगड राज्यात मोफत वीज देण्याची घोषणा केली आहे. काँग्रेसने जाहीरनाम्यात दिलेली आश्वासने पूर्ण केली नसल्याचा आरोप अरुण सिंह यांनी केला.

भाजपचे राष्ट्रीय संघटन सरचिटणीस बीएल संतोष, भाजपचे प्रदेश प्रभारी अरुण सिंह, सहप्रभारी डीके अरुण, भाजप प्रदेशाध्यक्ष नलिन कुमार कटील, माजी मुख्यमंत्री जगदीश शेट्टर, माजी मुख्यमंत्री डीव्ही सदानंद गौडा, केंद्रीय मंत्री प्रल्हाद जोशी, प्रदेश भाजप नेते आणि विविध पदाधिकारी या कार्यकारिणी बैठकीत सहभागी झाले आहेत.