विजापूर जिल्ह्यात पुन्हा भूकंपाचे धक्के जाणवले आहेत. जिल्ह्याच्या सीमावर्ती भागात महाराष्ट्र हद्दीत पुन्हा भूकंपाचे धक्के जाणवले आहेत.

जिल्ह्यातील तिकोटा तालुक्यातील घोणसगी, कळ्ळकवटगी, हुबनूर, टक्कळकी, सोमदेवरहट्टी, मलकनदेवरहट्टी, सिद्धापूर के आणि महाराष्ट्रातील बिवरगी, मोरबगी गावासह आसपासच्या गावांना रात्री १०.०५ आणि पहाटे १.४७ वाजता भूकंपाचे धक्के जाणवले.

पहाटे 1.47 वाजता झालेल्या भूकंपाची तीव्रता रिश्टर स्केलवर 2.7 इतकी नोंदवण्यात आली. महाराष्ट्रातील सांगली जिल्ह्यात भूकंपाचा केंद्रबिंदू नोंदवला गेला. गेल्या काही वर्षांत विजापूर जिल्ह्यात अनेक भूकंप झाले आहेत.