श्रीराम सेना हिंदुस्थान च्या कार्यकर्त्यांवर विनाकारण गुन्हे दाखल करून ,त्यांना राऊडीशीटर ठरवून त्यांना तडीपार केले जात असल्याचा आरोप श्रीराम सेना हिंदुस्तानचे अध्यक्ष रमाकांत कोंडुसकर यांनी केला आहे .

यासंदर्भात शहरात पत्रकार परिषद घेऊन त्यांनी माहिती दिली . श्रीराम सेना हिंदुस्तानच्या कार्यकर्त्यांवर , राजकीय व्यक्तींच्या दबावामुळे , हेतुपूर्वक राउडीशीटर ठरवून खोटे गुन्हे दाखल केले जात आहेत.आमचे कार्यकर्ते दोन नंबरचा धंदा करीत नाहीत तर ते समाजसेवा करतात . परंतु त्यांनाच वेठीला धरले जात आहेत . अफू गांजा चरस असे अमली पदार्थ विक्री करणाऱ्यांशी पद्धतशीरपणे सेटलमेंट करून त्यांना सोडून दिले जात आहे . याचे त्यांनी नावासकट उदाहरण दिले . शिवाय श्रीराम सेनेच्या कार्यक्रमांना हेतुपूर्वक परवानगी दिली जात नाही उलट दक्षिण आमदारांच्या कार्यक्रमांना पोलीस अधिकारी उपस्थित राहतात , त्यांच्या कार्यक्रमांना परवानगी देतात , मात्र आम्हाला परवानगीसाठी इकडून तिकडे पाठवतात आणि शेवटी परवानगी देत नाही असा आरोप त्यांनी केला . असा वेगवेगळा न्याय का असा प्रश्न त्यांनी केला .

राजकीय व्यक्तीच्या दबावाखाली ,काम करणाऱ्या पोलीस अधिकाऱ्यांवर कारवाई केली पाहिजे यासाठी आम्ही मोर्चा काढून जिल्हाधिकारी तसेच पोलीस आयुक्तांना निवेदन देणार आहोत . २८ जानेवारी रोजी घडलेल्या गांजा जप्त प्रकरणातील आरोपीना टिळकवाडी पोलीस अधिकाऱ्यांनी सेटलमेंट करून सोडून दिल्याचा आरोप त्यांनी केला . यासाठी आरपीडी कॉलेज परिसर तसेच टिळकवाडी पोलीस स्थानकाचे सीसीटीव्ही फुटेज तपासा म्हणजे सत्य कळेल असे ते म्हणाले . जनतेने देखील अशा राजकारणी आणि पोलीस अधिकाऱ्याना धडा शिकवावा असे ते म्हणाले .

आमच्या संघटनेने हिंदुत्ववादी आहे , सामाजिक कार्य करीत आहे , कोरोनाच्या काळात कार्यकर्त्यांनी खूप काम केले आहे . यावेळी पत्रकारांनी रवी कोकितकर गोळीबार प्रकरणी प्रमोद मुतालिक यांनी केलेल्या आरोपाचे , रमाकांत कोंडुसकर यांनी खंडन केले . हा त्यांचा वैयक्तिक विषय आहे असे ते म्हणाले .

एकंदरीत श्रीराम सेना हिंदुस्तानचे अध्यक्ष रमाकांत कोंडुसकर यांनी त्यांच्या संघटनेच्या कार्यकर्त्यांवर राजकीय दबावापोटी गुन्हे दाखल केले जात असल्याचे सांगितले .