बेळगाव ग्रामीण भागातील बहुतांश काँक्रीटचे रस्ते दर्जेदार असून ते दीर्घकाळ टिकतील. पुढील विकासासाठी जनतेने सहकार्य करावे, असे आमदार लक्ष्मी हेब्बाळकर यांनी सांगितले.

बेळगाव ग्रामीण मतदारसंघातील कंग्राळी के.एच. गावातील नारायण गल्ली रस्त्याच्या विकासासाठी पंचायत राज अभियांत्रिकी विभागाकडून निधी मंजूर झालेल्या निधीतून आ. लक्ष्मी हेब्बाळकर यांच्या हस्ते रस्ता कामाला भूमिपूजन करून चालना देण्यात आली.

आणखी अनेक विकासकामे करून बेळगाव ग्रामीण क्षेत्राचा लौकिक वाढविण्याचा आमचा उद्देश असून जनतेच्या आशीर्वादानेच ही योजना राबवता येईल, असे आ. हेब्बाळकर म्हणाल्या.
यावेळी ग्रामस्थ, बाळू पाटील, ज्योती पाटील, अनिता पाटील, मनोहर पाटील, भाऊ बेन्नाळकर, विशाल भोसले, ज्योतिबा पाटील, सूरज दळवी आदी उपस्थित होते.