गेल्या वेळी जसा जनतेचा अर्थसंकल्प दिला होता, तसाच यंदाही जनतेचा अर्थसंकल्प दिला जाणार आहे. संपूर्ण कर्नाटक लोक कल्याणकारी अर्थसंकल्पाची अपेक्षा करू शकतो असे मुख्यमंत्री बसवराज बोम्मई यांनी सांगितले.

म्हैसूर विमानतळावर प्रसारमाध्यमांशी बोलताना मुख्यमंत्री बोम्मई म्हणाले, एक राज्यव्यापी टास्क फोर्स आहे जी नेहमीच कार्यरत असते. बिबट्याचे हल्ले वाढत असल्याने मी स्वतः एक बैठक घेतली आहे, हत्तींसाठी कायमस्वरूपी टास्क फोर्स तयार केला आहे आणि आवश्यक साधने पुरवली आहेत. बिबट्या पकडण्यासाठी आवश्यक मनुष्यबळ, साधने आणि वाहनेही पुरविली जातील. यापूर्वीच वन अधिकाऱ्यांची बैठक बोलावून, ग्रामस्थांना विश्वासात घेण्यात यावे. गावकऱ्यांचा समावेश असलेली टीम तयार करून त्यांना प्रशिक्षित करून गस्त घालायला हवी. जंगलाच्या काठावरील भागात राहणाऱ्यांना आत्मविश्वास आणि धैर्य देणारे हे काम असावे. या प्राण्यांच्या गटातील हालचाल, वागणूक, कसे वागावे याची माहिती गावकऱ्यांना दिल्यास त्याचा उपयोग होईल. संध्याकाळी घराबाहेर न पडण्याची लेखी माहिती द्यावी. बिबट्याच्या उपद्रवावर नियंत्रण ठेवण्यासाठी शासन सर्व प्रकारचे सहकार्य करणार असल्याचे त्यांनी सांगितले.

सिद्धरामय्या यांच्या वक्तव्यावर प्रतिक्रिया देताना ते मुख्यमंत्री असताना त्यांनी “शादीभाग्य” योजना आणली होती. पण “शादीभाग्य”मुळे त्यांचे व त्यांच्या पक्षाचे दुर्भाग्य सुरु झाले. ही योजना पुढे चालू ठेवण्यास आमची तक्रार नाही, असे ते म्हणाले. भाजपची निवडणूक रणनीती वेगळी आहे. इतरांनी जसे केले तसे आम्हाला करण्याची गरज नाही. जेडीएसला त्यांचे डावपेच लढू द्या, असे ते म्हणाले. ‘घोषित 200 युनिट मोफत वीज आणि 2000 रुपये गृहिणींना न दिल्यास आपण राजकारणातून संन्यास घेऊ’ या सिद्धरामय्या यांच्या विधानाला उत्तर देताना ते स्वत: राजकीय संन्यासाबद्दल बोलतात ही त्यांची अवस्था आहे. आम्ही काहीही विचारले नव्हते. माणसाची मानसिकता ही आतील राजकीय स्थितीची अभिव्यक्ती असते असे ते म्हणाले.

सरकारचा कार्यकाळ संपत असल्याच्या पार्श्‍वभूमीवर जाहीरनाम्यात जाहीर केलेल्या प्रकल्पांपैकी किती प्रकल्पांची पूर्तता झाली, याचा अहवाल अर्थसंकल्पाच्या वेळी देऊ, असे त्यांनी पत्रकारांच्या याबाबतच्या प्रश्नावर सांगितले.

मुस्लिम मते आकर्षित करण्यासाठी पंतप्रधान म्हणाले आहेत का? या प्रश्नाला उत्तर देताना मोदी यांनी सर्व समाजाला विश्वासात घेतले पाहिजे. अल्पसंख्यांकांमध्ये गरीब आहेत, शिक्षणाचा अभाव आहे, त्यांनाही मुख्य प्रवाहात आणले तर तेही देशाला हातभार लावतील. आम्ही “सब का साथ, सब का विश्वास” फॉलो करतो. काही भाजप नेत्यांना मुस्लिम मते नकोत, ते त्यांचे वैयक्तिक मत आहे. कुणालाही वेठीस धरण्याचा प्रश्नच येत नाही. सर्व समाजाला सोबत घेऊन जाण्याची पंतप्रधानांची भूमिका आणि अनुभव आहे असे ते म्हणाले.

आर. अशोक यांची मंड्या जिल्हा पालक मंत्री म्हणून नियुक्ती करण्यास पक्षात कोणताही विरोध नाही असेही मुख्यमंत्री बोम्मई यांनी यावेळी स्पष्ट केले.