विजापूर जिल्ह्यातील सिंदगी येथील जेडीएसचे नेते शिवानंद सोमजाळ, वय 55 यांचे हृदयविकाराच्या झटक्याने निधन झाले. सिंदगी शहरातील एका परिचिताच्या घरी बोलत असताना शिवानंद सोमजाळ अचानक खाली कोसळले. रुग्णालयात नेण्यापूर्वीच हृदयविकाराच्या तीव्र झटक्याने त्यांचा मृत्यू झाला. माजी मुख्यमंत्री एच. डी. कुमारस्वामी विजापूर जिल्ह्यात पंचरत्न रथयात्रेवर असताना उमेदवाराचा मृत्यू झाला.

सिंदगी उमेदवाराच्या आकस्मिक निधनाने कुमारस्वामी यांना धक्का बसला आहे.तसेच सोमजाळ यांच्या मृत्यू झाल्याबद्दल तीन वेळा ट्विट करून त्यांनी शोक व्यक्त केला आहे. “शिवानंद सोमजाळ यांच्या अकाली निधनाने मला धक्का बसला आहे. माजी सैनिक, सिंदगी जेडीएस उमेदवार शिवानंद पाटील सोमजाळ यांचे रात्री हृदयविकाराच्या झटक्याने निधन झाले. डिसेंबर 18 रोजी त्यांनी सिंदगी मतदारसंघातील पंचरत्न यात्रेत दिवसभर सहभाग घेतला होता. त्यानंतर त्यांचा देवरहिप्परगी मतदारसंघात निरोप घेतला होता. ते सैन्यात नि:स्वार्थ सेवेनंतर निवृत्त झाले आहेत आणि त्यांच्यात समाजसेवेची अदम्य इच्छा होती” असे ट्विट एचडीके यांनी केले आहे.