“महायोगी वेमन हे एक महान व्यक्ती आहेत. त्यांच्या विचारसरणीनुसार रेड्डी समाजाने संपूर्ण समाजाच्या भल्याबरोबरच स्वतःचे भलेही शोधले आहे,” असे बेळगाव ग्रामीण मतदारसंघातील आमदार लक्ष्मी हेब्बाळकर यांनी सांगितले.

जिल्हा प्रशासन, कन्नड आणि सांस्कृतिक विभाग आणि महानगर पालिका यांच्या संयुक्त शहरातील रेड्डी भवन येथे आयोजित महायोगी वेमन जयंती कार्यक्रमाचे उद्घाटन करताना त्या बोलत होत्या .

त्या म्हणाल्या कि , “रेड्डी समाज कधीही कोणाचे नुकसान करू इच्छित नाही; कोणाला त्रास दिला नाही. ते आपल्या कार्याने समाजाचे भले करत आहेत.

याच प्रसंगी विशेष व्याख्यान देणारे ज्येष्ठ साहित्यिक बसवराज जगजंपी म्हणाले की, महायोगी वेमन हे महान ऋषी, कवी आणि ब्रह्मज्ञानी होते. वाईट परंपरांविरुद्ध लढा देणारा ते एक धाडसी व्यक्ती होते आणि ते आपल्या कल्पना आणि विचारांनी सदैव आपल्यासोबत आहेत असे ते म्हणाले.

बसवराज जगजंपी म्हणाले की, महायोगी वेमन हे राजपुत्र असूनही त्यांनी समाजासाठी आपले सुख, आनंद आणि सर्वस्वाचा त्याग केला आणि आजही ते आपल्या कार्यातून आपल्यासोबत आहेत.

बेळगावच्या लोकायुक्त एस.पी. यशोदा वंटगुडी , समाजकल्याण विभागाच्या सहसंचालिका उमा सालीगौडर , विशेष जिल्हाधिकारी गीता कौलगी, कन्नड आणि संस्कृती विभागाच्या उपसंचालिका विद्यावती भजंत्री, बेळगाव जिल्हा रेड्डी संघाचे अध्यक्ष रामण्णा मुल्लूर, व्यंकटेश पाटील, टी.के.पाटील आणि समाजातील ज्येष्ठ नेते उपस्थित होते.