बेळगाव महानगरपालिकेच्या इतिहासात प्रथमच भाषेवर आधारित निवडणुका सोडून पक्षनिहाय निवडणुका झाल्या आणि 58 पैकी 35 जागा जिंकून भाजपने नवा इतिहास रचला. त्यामुळे येत्या 6 फेब्रुवारीला प्रथमच राष्ट्रीय पक्ष भाजपचा महापौर-उपमहापौर शहराला लाभणार आहे.

अनेक तांत्रिक आणि कायदेशीर गुंतागुंतीमुळे वर्षभरानंतर महापौरपदाच्या निवडणुकीची तारीख निश्चित करण्यात आली असून, येत्या 6 फेब्रुवारीला बेळगाव महापालिकेच्या महापौर आणि उपमहापौरपदाची निवडणूक होणार आहे. नगराध्यक्षपद सर्वसाधारण महिलेसाठी राखीव असल्याने साहजिकच नगराध्यक्षपदासाठी जोरदार स्पर्धा आहे.जातीनिहाय फायदा होत आहे. बेळगाव दक्षिण मतदारसंघाचे आमदार अभय पाटील आणि बेळगाव उत्तर मतदारसंघाच्या आमदार अनिल बेनके यांच्याकडे महापौर-उपमहापौर निवडीच्या चाव्या आहेत, हे सर्वांनाच माहीत आहे, त्यामुळे बेळगाव दक्षिण मतदारसंघातील प्रभागातील नगरसेवकांनी जरा जोरातच लॉबिंग केले आहे.

बेळगावचे ज्येष्ठ पत्रकार विलास जोशी यांच्या पत्नी सौ.वाणी विलास जोशी या महापौरपदासाठी जोरदार प्रयत्न करत आहेत. बेळगाव दक्षिण मतदार संघात ब्राह्मण समाजाची मते मोठ्या प्रमाणात असल्याने उच्चपद ब्राह्मण समाजाला मिळावे यासाठी लॉबिंग सुरु आहे हे आता गुपित राहिलेले नाही. या वेळी बेळगाव दक्षिण मतदारसंघात विणकर समाज वाढला असून, यावेळी विणकर समाजाच्या नगरसेवकाला महापौर पद द्यावे, अशीही मागणी होत आहे. जातीनिहाय फायद्यांमध्ये भाषेवर आधारित मागणीही आहे. नेहमीप्रमाणे मराठी भाषिक नगरसेवकाला महापौर करण्याची मागणी आहेच. राजकीय गणित, बेरीज, वजाबाकी पाहिल्यास ती रास्तच आहे असे म्हणता येईल. त्यामुळे यावेळी महापौर मराठी भाषिक नगरसेवक असेल अशी दाट शक्यता आहे. त्यादृष्टीने नगरसेविका सारिका पाटील यांचे नावही चर्चेत आहे. त्या जवळपास वीस वर्षांपासून भाजप पक्षात सक्रिय आहेत. भाजपच्या नेत्यांनी पक्षनिष्ठा आणि पक्षसेवा लक्षात घेऊन महापौरपदाची निवड केली तर सारिका पाटील यांचा विजय सहज होईल यात शंका नाही.

बेळगाव उत्तरमध्ये लिंगायत समाज बलाढय़ असून भाजप नेते मुरगेंद्रगौडा पाटील यांच्या पत्नीला महापौर करण्यासाठी लिंगायत समाजाचे नेते भाजप नेत्यांवर दबाव आणत आहेत.
याबाबत बेळगावच्या राजकीय चाणक्य दक्षिणेचे आमदार अभय पाटील यांचे काय म्हणणे आहे ते पाहुयात.

6 फेब्रुवारीला निवडणूक होणार असून 5 तारखेला भाजप कोअर कमिटीची बैठक होऊन महापौर-उपमहापौरांची नावे निश्चित केली जाणार आहेत. ती थेट 6 फेब्रुवारीला निवडणुकीवेळी मनपा सभागृहात जाहीर होणार आहेत. त्यामुळे शेवटच्या क्षणापर्यंत बेळगावचा महापौर कोण? हे गुपितच राहिल.

महापौर निवडणूक कधी होणार हे जाणून घेण्याची सर्वांनाच उत्सुकता होती. परंतु आता महापौर निवडणुकीची तारीख निश्चित झाली असून, महापौर आणि उपमहापौर कोण होणार हे जाणून घेण्याची सर्वांनाच उत्सुकता आहे.