अमेरिकेची आर बोनी गॅब्रिएल ही ‘मिस युनिव्हर्स-2022’ या स्पर्धेची विजेती ठरली. 15 जानेवारी रोजी न्यू ऑर्लिन्स येथे झालेल्या समारंभात 71 व्या मिस युनिव्हर्स स्पर्धाच्या विजेतीची घोषणा करण्यात आली. या स्पर्धेत एन्ना सुएंगम-आयएमनं देखील सहभाग घेतला होता. एन्ना सुएंगम-आयएमनं मिस युनिव्हर्स स्पर्धेच्या एका राऊंडमध्ये कचऱ्यापासून तयार करण्यात आलेला ड्रेस परिधान केला होता.

एन्ना सुएंगम-आयएमनं ड्रिंक कॅनची एल्युमिनियमची झाकणं आणि इतर काही टाकावू वस्तूंपासून तयार केलेला ड्रेस मिस युनिव्हर्स स्पर्धेच्या एका राऊंडमध्ये परिधान केला होता. एन्ना सुएंगम-आयएमनं तिच्या सोशल मीडिया अकाऊंटवर या ड्रेसबाबत सांगितलं.
एन्ना सुएंगम-आयएमची पोस्ट

एन्ना सुएंगम-आयएमनं शेअर केलेल्या फोटोमध्ये ती टाकावू वस्तूंपासून बनवलेल्या ड्रेसमध्ये मिस युनिव्हर्स स्पर्धेच्या स्टेजवर उभी राहिलेली दिसत आहे. या व्हिडीओला एन्ना सुएंगम-आयएमनं कॅप्शन दिलं, ‘हा गाऊन माझ्या बालपणापासून प्रेरित होऊन तयार केला आहे. कचरा वेचणाऱ्या पालकांसोबत माझे बालपण गेले. तसेच कचऱ्याच्या ढिगांमध्ये आणि रिसायकलिंगमध्ये मी वाढलेली आहे. हा अनोखा गाऊन आहे. ‘कॅन टॅब’ सारख्या टाकून दिलेल्या आणि रिसायकल केलेल्या वस्तूंपासून तयार केलेला आहे, जे अनेकांना निरुपयोगी मानले, त्यामध्ये स्वतःचे मूल्य आणि सौंदर्य आहे, हे या ड्रेसच्या माध्यामातून जगामसोर सादर केले.’