धर्मस्थळ धर्माधिकारी आणि राज्यसभा सदस्य डॉ. डी. वीरेंद्र हेग्गडे यांना विजापूर येथे होणाऱ्या कर्नाटक श्रमिक पत्रकार संघाच्या 37 व्या राज्य अधिवेशनासाठी कर्नाटक श्रमिक पत्रकार संघाचे अध्यक्ष शिवानंद तगडूरू यांनी आमंत्रित केले आहे.
श्रमिक पत्रकार संघाचे अध्यक्ष शिवानंद तगडूरू यांनी श्री क्षेत्र धर्मस्थळाला भेट देऊन डॉ. हेग्गडे यांना अधिवेशनास येण्याचे निमंत्रण देण्यात आले. यावेळी राज्यसभा सदस्य झाल्याबद्दल त्यांचे अभिनंदन करण्यात आले. मंगळूर येथे आयोजित पत्रकार अधिवेशनात उपस्थित राहून ते यशस्वी करण्यास मदत केल्याबद्दल डॉ. हेग्गडे यांचे अभिनंदन करण्यात आले.

यावेळी डॉ. हेग्गडे यांनी कर्नाटक श्रमिक पत्रकार संघटनेच्या कार्याचे कौतुक करून अधिवेशन यशस्वी होण्यासाठी शुभेच्छा दिल्या.
यावेळी दक्षिण कन्नड श्रमिक पत्रकार संघाचे जिल्हाध्यक्ष श्रीनिवास नाईक इंदाजे, उपाध्यक्ष भास्कर रै कट्टी, कोषाध्यक्ष बी. एन. पुष्पराज, श्रमिक पत्रकार संघाचे राष्ट्रीय परिषद सदस्य पी. बी. हरीश रै, राज्य समिती सदस्य कल्याणकुमार, बेळतंगडी तालुका पत्रकार संघाचे सरचिटणीस चैत्रेश इलंथील उपस्थित होते.