महानगर पालिका एस सी एस टी कर्मचारी संघ तसेच ड्रायव्हर आणि क्लिनर संघाच्या वतीने महानगर पालिकेच्या वाहनांवरील सर्व ड्रायव्हर आणि क्लिनर यांच्या साठी आरोग्य तपासणी शिबिराचे आयोजन करण्यात आले होते .

बुधवारी बेळगाव महापालिकेच्या वाहनावरील सर्व ड्रायव्हर आणि क्लिनर साठी आरोग्य तपासणी शिबीर आयोजित करण्यात आले होते . या शिबिरामध्ये शुगर , रक्तदाब आदींची तपासणी करून, शिबिरार्थींना योग्य औषधोपचार देण्यात आले .

महानगर पालिकेचे आरोग्य अधिकारी डॉ . संजय डूमगोळ यांनी या शिबिराबद्दल माहिती देताना सांगितले कि , महापालिकेच्या वाहनावरील सर्व ड्रायव्हर आणि क्लिनर साठी आम्ही हे शिबीर आयोजित केले आहे . त्यांच्या आरोग्याची तपासणी करून औषधोपचार व मार्गदर्शन केले आहे. आणखी उपचारांची किंवा स्कॅनिंगची गरज भासल्यास महापालिकेच्या आरोग्य योजनेंतर्गत त्यांना फायदा मिळवून देऊ असे सांगितले .

यावेळी चलवादी नामक मनपा ड्रायव्हर ने या शिबिराच्या आयोजनाबद्दल धन्यवाद दिले . आजपर्यंत कोणीही कधीच असे शिबीर आमच्यासाठी आयोजित केले नव्हते . आमच्या आरोग्याची काळजी घेतली जात आहे हे पाहून खूप समाधान वाटले .

यावेळी मनपाच्या सहाय्यक कार्यकारी अभियंता मंजुश्री , आरोग्य विभागाचे अधिकारी तसेच कर्मचारी उपस्थित होते .