भरधाव ट्रकने ट्रॅक्टरला धडक दिल्याने झालेल्या अपघातात ट्रॅक्टर चालक पुलाखाली फेकला गेल्याने त्याचा जागीच मृत्यू झाला. या अपघातात दोन्ही वाहने पुलावरून खाली कोसळून मोठ्या प्रमाणावर नुकसान झाले आहे .

विघ्नेश झंगरूचे (रा. सोनोली ) हा या अपघातात ठार झाला आहे . सोमवारी सकाळी , राकसकोप जवळून ट्रॅक्टर घेऊन चालला होता . समोरून येणाऱ्या ट्रकला रस्ता देण्यासाठी तो पुलावर थांबला होता . परंतु भरधाव आलेल्या ट्रकने , ट्रॅक्टरला जोरदार धडक दिल्याने विघ्नेश ट्रॅक्टर सह पुलाखाली कोसळला आणि त्याचा जागीच मृत्यू झाला . या अपघातात ट्रकदेखील पुलावरून खाली पलटी झाला आहे .

बेळगाव ग्रामीण पोलिसांनी घटनास्थळी भेट दिली आणि पंचनामा केला . अपघातस्थळी लोकांची खूप गर्दी जमली होती . विघ्नेशच्या अचानक झालेल्या अपघाती मृत्यूमुळे सोनोली गावावर शोककळा पसरली आहे .