दुचाकी चोरी करणाऱ्या तीन आरोपींना जेरबंद करण्यात हुबळीतील केशवापूर पोलिसांना यश आले आहे.

अटक करण्यात आलेल्या आरोपींकडून पोलिसांनी एकूण 9 दुचाकी जप्त केल्या आहेत. यापैकी 2 दुचाकी चोरीचे गुन्हे केशवापूर पोलीस ठाण्यात दाखल झाले आहेत. उर्वरित 7 दुचाकींच्या मालकांचा आणि चोरीच्या घटना कोणत्या पोलिस ठाण्यात घडल्या आहेत याचा तपास सुरू आहे.

हुबळी केशवापूर पोलीस ठाण्याचे पोलीस निरीक्षक जगदीश हंचनाळ आणि दुचाकी चोरीच्या आरोपींना शोधण्यात यश मिळालेल्या कर्मचाऱ्यांच्या कामगिरीचे हुबळी-धारवाड पोलीस आयुक्तांनी कौतुक केले आहे.