बेळगावातील टिळकवाडीतील तिसऱ्या रेल्वेगेट नवीन पुलावर आज दुपारी भरधाव मारुती व्हॅनने दुचाकीचालकाला ठोकरल्याने भीषण अपघात झाला. ठोकरीनंतर दुचाकीचालक पुलावरून उडून पडल्याने गंभीर जखमी झाला आहे.

टिळकवाडीतील तिसऱ्या रेल्वेगेट नवीन पुलावर आज दुपारी भीषण अपघात झाला. एका भरधाव मारुती व्हॅनने ऍक्टिव्हाला जोराने ठोकरल्याने हा भीषण अपघात झाला. या ठोकरीनंतर दुचाकीचालक पुलावरून उडून पडल्याने गंभीर जखमी झाला आहे. अपघाताची माहिती मिळताच टिळकवाडी आणि वाहतूक दक्षिण विभाग पोलिसांनी अपघातस्थळी धाव घेऊन जखमी दुचाकीचालकाला तातडीने उपचारांसाठी इस्पितळात दाखल केले. अपघातानंतर मारुती व्हॅन पुलावरील दुभाजकावर चढली तर ऍक्टिव्हा व्हॅनच्या खाली अडकली होती. अपघातस्थळी बघ्यांची मोठी गर्दी झाली होती. पोलिसांनी नागरिकांच्या मदतीने दोन्ही वाहने रस्त्याकडेला सारून वाहतुकीसाठी रस्ता मोकळा केला.