“कन्नड भाषेला अंदाजे दोन हजार वर्षांचा इतिहास आहे, आणि अशा समृद्ध भाषेचे जतन आणि संवर्धन करणे आवश्यक आहे. या संदर्भात, सध्याच्या पिढीला कन्नडच्या समृद्धतेची माहिती देणे आणि त्याद्वारे कन्नड प्रेम वाढवणे आवश्यक आहे,” असे राज्य पुरस्कार विजेत्या शिक्षिका सुशीला लक्ष्मीकांत गुरव म्हणाल्या .

शहरातील गोमटेश विद्यापीठाच्या सभागृहात क्रांती महिला मंडळ आणि उमा संगीत प्रतिष्ठान यांच्या संयुक्त विद्यमाने आयोजित ‘कर्नाटक राज्योत्सव आणि बालदिन प्रतिभा पुरस्कार सोहळ्या’चे उद्घाटन करून बोलताना त्या म्हणाल्या कि , “भाषेबद्दल आदर निर्माण करण्यात मातेची महत्त्वाची भूमिका असते. लहानपणापासूनच मुलांमध्ये कन्नड भाषेबाद्ल प्रेम निर्माण करावे लागते . आधुनिकतेच्या बहाण्याने मुलांचे बालपण लुटले जात आहे आणि त्यांना भौतिक गोष्टींकडे वळवले जात आहे, ही खेदजनक बाब आहे. देशाचे पहिले पंतप्रधान पं. जवाहरलाल नेहरू यांचे महत्व मुलांना महत्त्व पटवून देण्यासाठी त्यांचा वाढदिवस बालदिन म्हणून साजरा केला जातो . मुलांना भाषेवर प्रेम करण्यासाठी प्रोत्साहन देण्यासाठी क्रांती महिला मंडळ आणि उमा संगीत प्रतिष्ठान प्रशंसनीय आहेत,” असे त्या म्हणाल्या .

उमा संगीत प्रतिष्ठानच्या अध्यक्षा मंगला मठद यांच्या अध्यक्षतेखाली झालेल्या या कार्यक्रमात प्रमुख पाहुणे म्हणून जगदीश पुजारी उपस्थित होते . कार्यक्रमात दोड्डगौडा, पार्वती गौडा, बसवराज शिंत्री, शरणबसय्या हिरेमठ, शिवबसप्पा कदनन्नवर , जगदीश पुजारी यांचा सत्कार करण्यात आला. त्याच प्रमाणे बाल दिनानिमित्त , १६ सरकारी शाळांमधील विविध क्षेत्रात उल्लेखनीय कामगिरी केलेल्या मुलांना प्रतिभा पुरस्कार प्रदान करण्यात आला .

मैना कुलकर्णी आणि ममता अंटीन यांनी प्रार्थना केली. रत्नश्री गुडेरायांनी प्रास्ताविक केले. राजेश्वरी गुरव यांनी स्वागत केले.
अनिता जक्कन्नवर सूत्रसंचालन सांगितले. गीता एम्मी यांनी आभार मानले.