राज्य महिला आयोग, शासकीय प्रथम श्रेणी महिला महाविद्यालय आणि अधिवक्ता परिषद कर्नाटक उत्तर बेळगाव युनिट यांच्या संयुक्त विद्यमाने प्रथम श्रेणी शासकीय महिला महाविद्यालयात संविधान दिन सोहळ्याचे आयोजन करण्यात आले.

शनिवारी , शहरातील काकतीवेस येथील , प्रथम श्रेणी महिला महाविद्यालयात आयोजित केलेल्या या कार्यक्रमाचे उदघाटन प्रमुख पाहुणे व सर्व मान्यवरांच्या हस्ते करण्यात आले ;
कॉलेजचे प्राचार्य तरगर यांनी संविधान दिनाचे आयोजन करण्याच्या मुख्य उद्दिष्टांवर चर्चा केली.

प्रमुख पाहुण्या ऍड . भारती वाळवेकर यांनी आपल्या भारतीय राज्यघटनेचे महत्त्व, महिला व बालकांचे रक्षण करण्यासाठी विविध कायदे आणि त्यांची उद्दिष्टे आणि मानवी हक्क या विषयावर भाषण केले.

जिल्हा सरकारी वकील तसेच बेळगाव बार असोसिएशनचे उपाध्यक्ष ऍड . सचिन आर. शिवण्णावर यांनी संविधानाच्या प्रस्तावनेवर भाषण केले. अधिवक्ता परिषद कर्नाटक उत्तर बेळगाव युनिटचे जिल्हाध्यक्ष ऍड . सदाशिव हिरेमठ यांनी परिषदेच्या मुख्य उद्दिष्टाविषयी माहिती दिली. तर ऍड . सीएस कलमठ यांनी प्रस्तावनेवर शपथ दिली.

बास्केटबॉलचे भारतीय प्रशिक्षक प्राध्यापक व्ही एस . पाटील , प्रा. डॉ. जयश्री, ज्योती, अॅड गीता, सुमित, दीपक आणि इतर प्राध्यापक कर्मचारी आणि शासकीय महाविद्यालयातील 200 हून अधिक विद्यार्थी या कार्यक्रमात सहभागी झाले होते .