प्रसिद्ध चित्रकार के. व्यंकटप्पा पुरस्कार विजेते बी.के. हुबळी यांचा जन्मशताब्दी सोहळा बेळगावात आयोजित करण्यात आला होता.

शनिवारी , बी के हुबळी आर्ट अँड कल्चर ट्रस्टतर्फे हिंदवाडी येथील द हिंद सोशल अँड स्पोर्ट्स क्लब येथे आयोजित कार्यक्रमाचे उद्घाटन ज्येष्ठ कलाकार सोमनाथ रेडेकर यांच्या हस्ते करण्यात आले. बी.के.हुबळी शताब्दी सोहळ्यानिमित्त धारवाडचे ज्येष्ठ कलाकार, रंगकर्मी के.व्यंकटप्पा पुरस्कार विजेते महावीर बाळीकायी , प्रसिद्ध कलाकार बाळू सदलगे यांचा व्यासपीठावरील मान्यवरांच्या हस्ते सत्कार व सन्मान करण्यात आला.

जीवन जगले पाहिजे. जगा आणि काहीतरी साध्य करा. माझ्या विद्यार्थ्यासोबत हा पुरस्कार मिळणे हा माझ्यासाठी मोठा सन्मान आहे. यापेक्षा भाग्यवान जगात दुसरी कोणतीही गोष्ट मला नको आहे, असा आनंद महावीर बाळीकायी यांनी व्यक्त केला.

नंतर बाळू सदलगे म्हणाले की आज मी बाळीकायी गुरूंच्या आशीर्वादाने मोठा झालो आहे. कर्नाटकातील विविध भागात त्यांचे शिष्य आहेत. तो सर्वांशी समान प्रेमाने आणि समजुदारपणे बोलतात . कुसनूर गुरू आणि सर्व ज्येष्ठांच्या आशीर्वादाने मी हे सध्या करू शकलो. या संघटनेने आणखी उंची गाठली पाहिजे. मला शक्य ती मदत करण्यास मी तयार आहे, असे आश्वासन त्यांनी दिले.

व्ही.डी.साळी, एस.के.पत्तार , राजू देवर्षी , दिलीपकुमार काळे यांसारखे नामवंत कलाकार सन्माननीय पाहुणे म्हणून उपस्थित होते. यावेळी ट्रस्टचे अधिकारी व इतर कलाकार उपस्थित होते.