बेळगावात पंचवटी सोन्या मारुती मंदिरात कार्तिक अमावस्येनिमित्त महाप्रसादाचा कार्यक्रम आयोजित करण्यात आला होता. हजारो भाविकांनी त्याचा लाभ घेतला.

होय, बुधवारी कार्तिक अमावस्येनिमित्त बेळगावमधील संगोळ्ळी रायण्णा सर्कलजवळील पंचवटी सोन्यामारुती मंदिरात महाप्रसादाचे आयोजन करण्यात आले होते. यानिमित्त अंजनेयाला पंचामृत अभिषेक घालून विशेष पूजा करण्यात आली. यावेळी हजारो भाविकांनी मंदिरात येऊन देवाचे दर्शन घेतले. बेळगाव उत्तरचे आमदार अनिल बेनके यांनीही मंदिराला भेट देऊन हनुमंताचे दर्शन घेतले. यांच्याहस्ते पूजा करून महाप्रसाद वाटपाचा शुभारंभ करण्यात आला.

या प्रसंगी पुजारी भाऊराव अनगोळकर यांनी आपली मराठीशी बोलताना सांगितले की, दरवर्षी प्रमाणे याही वर्षी कार्तिक महिन्यातील अमावास्येनिमित्त सोन्या मारुती मंदिरात महाप्रसादाचे आयोजन केले आहे. सर्व भाविकांनी महाप्रसादाचा लाभ घ्यावा, असे आवाहन त्यांनी केले. शिवाजीनगर, वीरभद्रनगर, चव्हाट गल्लीसह विविध भागातून भाविकांनी येऊन देवाचे दर्शन घेतल्याचे त्यांनी सांगितले.

सर्व भाविक रांगेत उभे राहून महाप्रसाद घेत असल्याचे दृश्य यावेळी पाहायला मिळाले