काही दिवसांत भद्रा प्रकल्पाचे राष्ट्रीय सिंचन प्रकल्पात रूपांतर होईल, असा विश्वास मुख्यमंत्री बसवराज बोम्मई यांनी व्यक्त केला.

मुख्यमंत्री बोम्मई यांनी आज चित्रदुर्ग जिल्ह्यातील हिरीयुर येथे भाजपने आयोजित केलेल्या जन संकल्प यात्रेचे उद्घाटन केले. भद्रा राष्ट्रीय सिंचन प्रकल्पासाठी केंद्र सरकारकडून 16 हजार कोटींचे अनुदान मिळणार आहे. भद्रा प्रकल्पाला कर्नाटकचा पहिला राष्ट्रीय सिंचन प्रकल्प म्हणून ओळखले जाते. आमचे सरकार हिरीयुर विधानसभा मतदारसंघाच्या सर्वांगीण विकासासाठी कटिबद्ध आहे. ते म्हणाले की, चित्रदुर्ग जिल्ह्यातील हिरीयुरसह सर्व तालुक्यांना, सर्वसमावेशक सिंचनासाठी आवश्यक सुविधा उपलब्ध करून देण्यात आल्या असून लवकरच १ लाख हेक्टर क्षेत्रासाठी सिंचनाची सुविधा उपलब्ध करून दिली जाईल.

कर्नाटक राज्याच्या निर्मितीनंतर इतक्या वर्षात प्रथमच आमचे सरकार एका वर्षात 8000 “विवेक” शाळा वर्गखोल्या बांधत आहे. यातून शिक्षणाप्रती आपल्या सरकारची बांधिलकी दिसून येते, असा विश्वास मुख्यमंत्री बोम्मई यांनी व्यक्त केला.

या मेळाव्यात माजी मुख्यमंत्री बी.एस. येडियुरप्पा, मंत्री गोविंद कारजोळ, बी. श्रीरामुलू, आमदार पूर्णिमा श्रीनिवास, एम. चंद्रप्पा, तिप्परेड्डी, विधान परिषद सदस्य रविकुमार आदी उपस्थित होते