धर्मादाय, हज आणि वक्फ खात्याच्या मंत्री शशिकला जोल्ले यांचा 53 वा वाढदिवस रविवारी निपाणी येथे भव्य प्रमाणात साजरा करण्यात आला. यानिमित्त भव्य मिरवणुकीसह विविध कार्यक्रमांचे आयोजन करण्यात आले होते.

होय, निपाणी शहरात काल, रविवारी भाजप कार्यकर्त्यांनी आणि शशिकला जोल्ले यांच्या समर्थकांनी आपापल्या दुकानांसमोर आणि घरासमोर केक कापून मंत्री शशिकला जोल्ले यांचा वाढदिवस साजरा केला.
त्यानंतर शहरातील महापालिका शाळेच्या मैदानावर आयोजित सत्कार समारंभात मंत्री शशिकला जोल्ले यांचा सत्कार करून वाढदिवस साजरा करण्यात आला. यावेळी त्यांनी 2013 ते 2022 या कालावधीत मतदारसंघात केलेल्या विकासकामांचा संक्षिप्त तपशील देणाऱ्या पुस्तिकेचे प्रकाशन केले. निपाणीतील भाजप कार्यकर्त्यांनी शशिकला जोल्ले यांना 200 किलो वजनाचा 18 फूट भव्य हार घालून सन्मानित केले.

त्यानंतर बोलताना मंत्री शशिकला जोल्ले म्हणाल्या, 2013 ते 2022 या कालावधीत निपाणी विधानसभा मतदारसंघात 1647 कोटी रुपये अनुदान मंजूर करवून घेऊन विविध विकासकामे करण्यात आली आहेत. यातून निपाणी मतदारसंघ हा संपूर्ण राज्यात आदर्श ठरला आहे. आपण मरेपर्यंत निपाणी मतदारसंघातील जनतेचे ऋण विसरू शकत नाही. निपाणी मतदारसंघात शिक्षण, आरोग्य, रस्ता, सांडपाण्याचा निचरा, शेती सिंचन, पुलांसह विविध शासकीय प्रकल्प लोकांच्या दारात पोहोचविण्यासाठी प्रामाणिक प्रयत्न केल्याचे त्यांनी सांगितले.

माझ्या माहेरी आल्यावर मला घरची मुलगी म्हणून राजकीय आणि सामाजिक सेवा करायला मिळाल्याचा आनंद झाला आणि हा अधिकार मी लोकांच्या सेवेसाठी समर्पित केला आहे. येत्या निवडणुकीत पुन्हा निवडून दिल्यास सरकारच्या आणखी कल्याणकारी योजना आणू शकेन, असे त्यांनी सांगितले.

मंत्री शशिकला जोल्ले यांचे गुरु अथणीचे आर. बी. देशपांडे यावेळी बोलताना म्हणाले, माझी विद्यार्थिनी सरकारमध्ये कॅबिनेट दर्जाचा मंत्री होणे हा आयुष्यातील एक अविस्मरणीय क्षण आहे. चांगल्या कुटुंबातून आलेल्या शशिकला यांनी जोल्ले कुटुंबात आल्यावर आपले जीवन समाजसेवेसाठी समर्पित केले, ही समाधानाची बाब आहे. शशिकला यांना भविष्यात आणखी मानाचे स्थान मिळो असा आशीर्वाद त्यांनी दिला.

निपाणीचे श्री मूरघ राजेंद्र महास्वामी, विजापूरचे श्री इष्टलिंग महास्वामी आणि गदगचे श्रीशैल महास्वामी यांच्या सानिध्यात हा कार्यक्रम झाला.
यावेळी व्यासपीठावर खासदार अण्णासाहेब जोल्ले, चंद्रकांत कोठीवाले, ज्योतिप्रसाद जोल्ले, प्रिया जोल्ले, राजू गुंडे, आर. बी. देशपांडे, प्रणव मानवी, पवन पाटील, सरोजनी जमदाडे, आनंद यादव, एस. एस. धवणे, सिद्धू नराटे, विश्वनाथ कमते, ऋषभ जैन, रवी हंजी, राजेंद्र पाटील, अभय मानवी, एम. पी. पाटील. अशोक हरगापुरे आदी उपस्थित होते.
बसवज्योती युथ फौंडेशनचे अध्यक्ष बसवप्रसाद जोल्ले यांनी स्वागत व प्रास्ताविक केले.