मंगळुरूमध्ये बॉम्बस्फोटाची घटना घडली असून हे दहशतवादी कृत्य असू शकते, असे दिसते. हे सरकार ह्या दहशवादी कारवायांचा बिमोड करेल असे मुख्यमंत्री बसवराज बोम्मई यांनी सांगितले.
व्हॉइस ओव्हर : आज ते बळ्ळारी येथे प्रसारमाध्यमांनी विचारलेल्या प्रश्नांना उत्तर देत होते.

मंगळुरूमध्ये काल संध्याकाळी एका ऑटोमध्ये प्रेशर कुकरमध्ये ठेवलेल्या बॉम्बचा स्फोट झाला होता . या घटनेत ऑटोचा चालक आणि एक प्रवासी जखमी झाले असून त्यांच्यावर रुग्णालयात उपचार सुरू आहेत. पोलीस या प्रकरणाची गांभीर्याने दखल घेत तपास करत आहेत. या घटनेत एलईडी सारख्या उपकरणाचा वापर करण्यात आला असून त्या व्यक्तीची झडती घेतली असता त्याच्याकडे असलेले आधार कार्ड बनावट असल्याचे आढळून आले. त्याची काही खरी माहिती मिळाली असल्याने ही दहशतवादी घटना असल्याचे प्राथमिक माहितीवरून समजते, असे त्यांनी सांगितले.

राष्ट्रीय तपास पथक घटनास्थळी पोहोचले असून कर्नाटक पोलीसही या प्रकरणाचा तपास करत आहेत. जखमी झालेली ती व्यक्ती रुग्णालयात असून त्या व्यक्तीकडून नंतर माहिती घेतली जाईल. हा माणूस कोईम्बतूरसह दहा वेगवेगळ्या ठिकाणी फिरला आणि या व्यक्तीचा दहशतवादाशी संबंध असावा आणि ही दहशतवादी घटना असावी, असे पोलिसांनी सांगितले. ते म्हणाले की, पीएफआय आणि या घटनेशी संबंधित माहिती तपासानंतर कळेल.

एकंदरीत मंगळूरमध्ये काल कुकर बॉम्ब स्फोटाची घटना ही दहशतवादी घटना असण्याची शक्यता मुख्यमंत्री बसवराज बोम्मई यांनी व्यक्त केली आहे