खानापूर शहरात आज टिप्परने मोटरसायकलला धडक दिल्याने झालेल्या भीषण अपघातात दुचाकीवरील बाप-लेकीचा जागीच मृत्यू झाला आहे. अपघातात अन्य एकजण गंभीर जखमी झाला आहे.

बेळगाव-गोवा रस्त्यावर रुमेवाडी क्रॉसवर भरधाव टिप्परने दुचाकीला धडक दिल्याने दोन जण जागीच ठार झाले, तर एक जण गंभीर जखमी झाला. मृतांमध्ये खानापूर तालुक्यातील हिडलगी गावातील प्रवीण मारुती कोलकार आणि त्यांची मुलगी यांचा समावेश आहे. तसेच अन्य एका दुचाकीस्वारालाही गंभीर दुखापत झाल्याने त्याला पुढील उपचारासाठी बेळगाव येथे हलविण्यात आले. प्रवीण कोलकार हे त्यांच्या मुलीला खानापूर येथे सोडण्यासाठी घेऊन जात असताना रुमेवाडी फाट्यावर हा अपघात झाला. खानापूर पोलिसांनी घटनास्थळी धाव घेऊन तपास केला. याप्रकरणी खानापूर पोलिस ठाण्यात गुन्हा दाखल करण्यात आला आहे.