माजी मंत्री विनय कुलकर्णी यांच्या चन्नम्मा कित्तूर येथील वाढदिवसाच्या कार्यक्रमाने नवा इतिहास लिहिला आहे. राज्यातील मठाधीश, काँग्रेसचे बिनीचे नेते, लाखो कार्यकर्ते आणि चाहत्यांनी विनय कुलकर्णी यांना नवी ऊर्जा दिली. यातून त्यांनी जिल्ह्याबाहेर राहूनही पुढील निवडणुकीसाठी व्यासपीठ तयार केले आहे.

होय, माजी मंत्री विनय कुलकर्णी हे उत्तर कर्नाटकातील प्रभावशाली राजकारणी आहेत. त्यातही लिंगायत पंचमसाली समाजाचे ते आघाडीचे नेते आहेत. गेल्या निवडणुकीत पराभूत झालेले विनय कुलकर्णी ग्रा.पं.चे सदस्य योगेश गौडा खून प्रकरणात न्यायालयाच्या आदेशानुसार धारवाड जिल्ह्याबाहेर आहेत. ते बाहेर असले तरी शेजारी कित्तूरमध्ये राहून आपल्या पुढच्या निवडणुकीसाठी ग्राऊंड तयार करत आहेत. त्याचाच एक भाग म्हणून त्यांनी आज, सोमवारी चन्नम्मा कित्तूरमध्ये आपला वाढदिवस मोठ्या थाटात साजरा करून विरोधकांना हादरवून सोडले आहे. माजी मुख्यमंत्री सिद्धरामय्या, केपीसीसी अध्यक्ष डी. के. शिवकुमार, माजी मंत्री एम. बी. पाटील यांच्यासह अनेक आघाडीचे काँग्रेसचे नेते या कार्यक्रमात सहभागी झाले होते. धारवाड मुरुघा मठाचे मल्लिकार्जुन स्वामीजी, गदग तोंटदार्य मठाचे सिद्धराम स्वामीजी, पंचमसाली मठाचे बसवजय मृत्युंजय स्वामीजी, बैलूरचे निजगुणानंद स्वामीजी, विजापूर दर्ग्याचे सय्यद शाह मुर्तुजा यांच्यासह अनेक मठाधिपती, धार्मिक गुरु उपस्थित होते. लाखो चाहते आणि कार्यकर्त्यांनी सहभाग घेऊन विनय कुलकर्णी यांना शुभेच्छा दिल्या. यावेळी, जिकडे पाहाल तिकडे लोक आणि केवळ लोकच दिसत होते. इतक्या मोठ्या संख्येने जनसागर या कार्यक्रमाला लोटला होता.

कार्यक्रमात बोलताना माजी मुख्यमंत्री सिद्धरामय्या म्हणाले की, भविष्यातील राजकारणी म्हणून विनय कुलकर्णी यांना मी मंत्रीपद दिले होते. त्यांनी कधीही मंत्रिपद मागितले नव्हते. पंचमसाली समाजाचे भावी नेते म्हणून मंत्री महोदयांनी अत्यंत प्रामाणिकपणे काम केले. कधीही भ्रष्ट कारभार केला नाही. त्यांनी प्रामाणिकपणे राजकारण केले असले तरी भाजपच्या राजकीय डावपेचांचा फटका त्यांना सहन करावा लागला. पण आम्ही सर्व त्यांच्या पाठीशी आहोत असा धीर त्यांनी विनय कुलकर्णी यांना दिला.

केपीसीसीचे अध्यक्ष डी. के. शिवकुमार म्हणाले की, तुम्ही आमच्या नेत्यांना आणि आम्हा सर्वांना तुरुंगात पाठवू शकता. पण तुम्ही या लोकांच्या हृदयाला जेलमध्ये टाकू शकत नाही. विनय कुलकर्णी एक दु:खी तरुण, या दुःखी तरुणाचा कायद्याचा गैरवापर करत भाजप एका निरपराध व्यक्तीला थप्पड मारून त्यांचा पुतळा बनवत आहे. तुम्ही दुसरे काहीही करू शकत नाही. आता केवळ 5-6 महिने बाकी आहेत. आम्हा सर्वांना बळ देण्याचा संकल्प करा अशी विनंती त्यांनी उपस्थित जनसागराला केली.

कुडलसंगम पिठाचे बसवजय मृत्युंजय स्वामीजी म्हणाले की, सत्तेत नसतानादेखील एका नेत्याच्या वाढदिवसाला इतके लोक एकत्र जमतात हे कुठेच घडत नाही. विनय कुलकर्णी हे वन अँड ओन्ली हिरो आहेत. ते सर्व 7 कोटी कन्नडिगांचे प्रिय आहेत. चांगले काम करणाऱ्यांना वेदना आणि अपमान होणे स्वाभाविक आहे. पण यातून पुन्हा उठणे महत्वाचे आहे. त्यांच्या कठीण काळात लोकांनी त्यांच्यासोबत राहून त्यांना प्रतिसाद दिला आहे. त्यांनी उत्तर कर्नाटकात एक नवीन झंझावात निर्माण केला आहे. त्यांना राणी चन्नम्मा यांचा आशीर्वाद असल्याचे त्यांनी सांगितले.

आमदार लक्ष्मी हेब्बाळकर म्हणाल्या की, विनय कुलकर्णी यांना झाला तसा त्रास शत्रूलाही सहन करावा लागू नये. चांगले काम करणाऱ्यांना अडचणी येतात. बसवण्णा, चन्नम्मा, केपीसीसीचे अध्यक्ष डी.के.शिवकुमार ही याची अनेक उदाहरणे आहेत. पण तुम्हाला संकोच करण्याची गरज नाही. आम्ही सर्व तुमच्या पाठीशी आहोत, अशी ग्वाही त्यांनी दिली.

सत्कार आणि शुभेच्छांचा स्वीकार करून बोलताना विनय कुलकर्णी म्हणाले, माझ्याबद्दल सांगायचे तर, मी माझ्या महाविद्यालयीन काळात विद्यार्थी नेता म्हणून मोठा झालो. मी एकदाही सिद्धरामय्या यांना मंत्री करा म्हणून सांगितले नाही. मी दिल्लीला गेल्यावर सिद्धरामय्या साहेबांनी मला फोन करून बोलावून, ‘जा तुम्हाला मंत्री केले आहे’ असे सांगितले. मी कधीही राजकारणात पडलो नाही. मी खाण मंत्री असताना कोणी पैसे द्यायला आले की, त्यांना शाळांचा विकास करा असे मी म्हटले आहे. मला माझ्या प्रिय धारवाड जिल्ह्याबाहेर टाकले असेल, पण मी तुमच्या हृदयातून गेलेलो नाही अन तुम्ही मला तुमच्या हृदयातून बाहेर काढले नाही. मी देखील एक शेतकरी आहे, शेतीत काम करण्यात रस आहे. सहा गायींपासून ते 1600 गायींपर्यंत माझ्या फार्महाऊसमध्ये 5 हजार जनावरे आहेत असे सांगताना ते भावुक झाले. माझे दुःख कोणत्याही शत्रूला होऊ नये. बरेच लोक विचारत आहेत की तुम्ही परत कधी येणार आहात. मी धारवाडमध्ये येणारच, असल्या राजकीय कारस्थानांना आणि पराभवाला मी घाबरत नाही, असे ते म्हणाले.

कार्यक्रमाला माजी मंत्री ए. बी. पाटील, डी. बी. इनामदार, शिवानंद पाटील, केपीसीसीचे कार्याध्यक्ष सलीम अहमद, आमदार लक्ष्मी हेब्बाळकर, अंजली निंबाळकर, कुसुमा शिवल्ली, वीरण्णा मत्तिकट्टी, विजयानंद काशप्पनवर, बाबासाहेब पाटील, रोहिणी पाटील, सनदी, एन. एच. कोनरेड्डी, दरेप्पा ठकन्नावर यांच्यासह अनेक नेते आणि लाखो चाहते उपस्थित होते. कार्यक्रमात विविध कलाकारांनी सांस्कृतिक कार्यक्रम सादर केले. एकंदर विनय कुलकर्णी यांना बळ देण्यासाठी लाखो चाहत्यांनी कंबर कसली असून, पुढच्या निवडणुकीत त्याचा कितपत फायदा होईल, हे पाहावे लागेल.