लाखो कन्नड चित्रपट रसिकांच्या गळ्यातील ताईत कर्नाटक रत्न डॉ. पुनीत राजकुमार यांचे निधन होऊन एक वर्ष पूर्ण झाले आहे. आजही त्याच्या वियोगाचे दु:ख चाहत्यांमध्ये आणि राज्यातील जनतेमध्ये कमी झालेले नाही. लाडक्या अप्पूची कर्नाटकात देव म्हणून पूजा केली जाते.

होय, 29 ऑक्टोबरला राजरत्न डॉ. पुनीत राजकुमार यांच्या निधनाला एक वर्ष पूर्ण झाले. या पार्श्‍वभूमीवर कर्नाटक रक्षण वेदिकेच्या युवा सेनेच्या वतीने शनिवारी बेळगावातील छत्रपती शिवाजीनगरमध्ये प्रथम वर्ष स्मृतीदिन कार्यक्रमाचे आयोजन करण्यात आले होते. यावेळी अप्पू यांच्या प्रतिमेचे पूजन करून आदरांजली वाहण्यात आली. अप्पूच्या चित्रासमोर रांगोळी काढण्यात आली, फळफळावळे आणि त्यांच्या आवडीचा फराळ देण्यात आला आणि पूजा करण्यात आली. यावेळी गिरीजा कोल्हार, सुषमा काळे, ज्योती बेनके, सविता काशीद, वासंती कोटारी, नेत्रा उदोशी, अनिता दंडीन आदींसह पोलीस व केएसआरटीसी कर्मचाऱ्यांच्या पत्नी व कुटुंबीयांचा सहभाग होता.