ऊस वाहतूक करणाऱ्या ट्रॅक्टरची क्रुझरला मागून धडक बसल्याने झालेल्या अपघातात दांपत्य जागीच ठार झाले. हा अपघात विजापूर जिल्ह्यातील इंडी तालुक्यातील धुळखेडजवळ झाला. मृत पती-पत्नी बेळगाव जिल्ह्यातील अथणी येथील आहेत.

50 वर्षीय शिवपुत्र शिंदे आणि त्यांची पत्नी 45 वर्षीय सुमित्रा शिंदे अशी या अपघातातील दुर्दैवी मृतांची नावे आहेत. क्रूझरमधील इतर नऊ जण जखमी झाले असून त्यांना स्थानिक रुग्णालयात दाखल करण्यात आले आहे. झळकी पोलीस ठाण्यात या अपघाताची नोंद झाली आहे.