पुणे-बेंगळुरू राष्ट्रीय महामार्गावरील रिलायन्स मॉलजवळ रस्ता ओलांडणाऱ्या एका व्यक्तीला अज्ञात वाहनाने धडक दिल्याने त्याचा जागीच मृत्यू झाला. ही घटना आज सकाळी हुबळी येथे घडली.

हुबळीतील पुणे -बेंगळुरू महामार्गावरील रिलायन्स मॉलजवळ आज सकाळीच एक दुर्घटना घडली. अपघातात अंदाजे 25 ते 30 वर्षे वयोगटातील व्यक्तीचा मृत्यू झाला. मृताच्या डोक्यावरून वाहन गेल्याने त्याच्या चेहऱ्याचा चेंदामेंदा झाला आहे. मृत व्यक्तीची ओळख अद्याप पटलेली नाही.

मृतदेह शवविच्छेदनासाठी हुबळी येथील किम्सच्या शवागारात पाठवण्यात आला आहे. याबाबत हुबळी ग्रामीण पोलीस ठाण्यात गुन्हा दाखल करण्यात आला असून तपास सुरू करण्यात आला आहे.