दुचाकीस्वारांचे नियंत्रण सुटल्याने दुचाकीस्वार व मागे बसलेला नदीत पडला, त्यापैकी एकाचा मृत्यू झाला तर दुसरा सुदैवाने बचावला. ही घटना निप्पाणी तालुक्यातील कारदगा गावातील दूधगंगा नदीत घडली.

दुचाकीवरून नदीत पडलेले दोघे ऊस तोडणीचे काम करत असल्याची माहिती मिळाली आहे. अनिल पाटील (58) नावाच्या व्यक्तीचा मृत्यू झाला, तर संजय राठोड (35) यांनी पोहत किनारा गाठल्याने ते बचावले. अग्निशमन दलाचे जवान आणि एनडीआरएफच्या जवानांनी अनिल पाटील यांच्या मृतदेहाची शोध मोहीम हाती घेतली आहे. सदलगा पोलीस ठाण्याच्या हद्दीत ही घटना घडली आहे.