एटीएममध्ये गेलेल्या महिलेला मदत करण्याच्या बहाण्याने तिचा पासवर्ड जाणून घेऊन 37,500 रुपये लूटणाऱ्या आरोपीला अटक करण्यात आल्याची माहिती जिल्हा पोलीस अधीक्षक डॉ.संजीव पाटील यांनी दिली आहे.

पोलीस अधीक्षक डॉ. संजीव पाटील यांनी मंगळवारी जिल्हा पोलीस अधीक्षक कार्यालयात प्रसारमाध्यमांशी संवाद साधला. त्यावेळी ते म्हणाले, चिक्कोडी तालुक्यातील हलट्टी गावातील विजया राणाप्पा नावाची महिला दि. 3 रोजी एटीएममधून पैसे काढण्यासाठी गेली असता, एका व्यक्तीने तिचा पत्ता जाणून घेतला. कार्ड एक्सचेंज केले आणि तिच्या खात्यातून 37,500 रुपये काढून पोबारा केला. याबाबत महिलेने फसवून पैसे काढल्याची तक्रार केली होती.

याप्रकरणी चिक्कोडी पोलिस ठाण्यात गुन्हा दाखल करून तपास करण्यात आला. आरोपी अमोल दिनेश सकटे, वय 30 याला अटक करण्यात आली असून त्याच्याकडून विविध बँकांचे एकूण 51 एटीएम कार्ड विविध लोकांची फसवणूक केल्याप्रकरणी जप्त करण्यात आले आहेत. आरोपींनी अथणी, गोकाक, निपाणी, चिक्कोडी, बागलकोट आणि महाराष्ट्र राज्यातील इतर अनेक ठिकाणी असेच गुन्हे केले असून त्यांचा तपास सुरू असल्याचे त्यांनी सांगितले.

एटीएममधून पैसे काढताना महिला व वृद्धांसह सर्वांनी काळजी घ्यावी, असे आवाहन जिल्हा पोलीस अधीक्षक डॉ. संजीव पाटील यांनी केले आहे.