विजापूर महानगर पालिका निवडणुकीची घोषणा झाल्यानंतर एका प्रभागाचे जाहीर केलेले आरक्षण बदलल्याच्या निषेधार्थ मतदानावर बहिष्कार टाकण्याचा निर्णय घेण्यात आला आहे.

विजापूर शहरातील प्रभाग क्रमांक 2 मधील दलित आणि भोवी यांच्यासह अनेक समाजांनी मतदानावर बहिष्कार टाकण्याचा निर्णय घेतला आहे. प्रभाग क्रमांक 2 मध्ये 4 हजारांहून अधिक दलित मतदार असून, त्या आधारे या प्रभागासाठी अनुसूचित जातीचे आरक्षण जाहीर करण्यात आले होते. मात्र नंतर ते रद्द करून ‘मागास प्रवर्ग अ’साठी आरक्षण जाहीर करण्यात आले आहे. हे नवे आरक्षण बदलण्यात यावे, अशी मागणी स्थानिकांनी केली आहे.

तोपर्यंत प्रभाग क्रमांक दोनची निवडणूक पुढे ढकलण्यात यावी, अशी मागणी त्यांनी केली आहे. याची पर्वा न करता निवडणुका घेतल्यास मतदानावर बहिष्कार टाकू, असा इशारा त्यांनी दिला आहे.