कृषी क्षेत्राच्या डिजिटायझेशनमध्ये कर्नाटक हे आघाडीचे राज्य आहे. शेतकऱ्यांच्या जमिनींचे सर्व्हे क्रमांक आणि आधार लिंक करण्यात आले असून आतापर्यंत 78 लाख शेतकऱ्यांना या कार्यक्षेत्रात आणण्यात आले आहे असे मुख्यमंत्री बसवराज बोम्मई यांनी सांगितले.

केंद्रीय गृह आणि सहकार मंत्री अमित शहा यांच्या अध्यक्षतेखाली ‘नैसर्गिक शेती आणि डिजिटल शेती’ या विषयावर आज व्हिडिओ संवाद पार पडला. मुख्यमंत्री बोम्मई यांनी गृह कार्यालय ‘कृष्णा’ येथून त्यात भाग घेतला. कृषी डिजिटायझेशनमध्ये कर्नाटक आघाडीवर असल्याच्या केंद्रीय प्रधान कृषी सचिवांच्या उल्लेखाचा संदर्भ देत मुख्यमंत्री म्हणाले की, भूमी तंत्रज्ञान अंतर्गत डिजिटायझेशन यापूर्वीच झाले आहे.

62 लाख जमीन मालक आणि 16 लाख भूमिहीनांचाही या योजनेत समावेश आहे. याचा लाभ घेऊन शेतकरी संघटित झाले आहेत. केंद्र सरकारची स्वामित्व योजना कर्नाटकात मोहिमेच्या रूपाने हाती घेण्यात आली आहे. नॅनो युरियाने कृषी क्षेत्रात क्रांती घडवली असून पहिले नॅनो युरिया युनिट बेंगळुरू येथे सुरु केले आहे. आगामी काळात राष्ट्रीय स्तरावर चांगला प्रतिसाद आणि पाठिंबा मिळेल, असे ते म्हणाले.

शेतकऱ्यांचे उत्पन्न दुप्पट करण्याच्या पंतप्रधान नरेंद्र मोदी यांच्या इच्छेनुसार, कर्नाटक राज्यासह महाराष्ट्र आणि गुजरात राज्याने नैसर्गिक शेती सक्रियपणे हाती घेतली आहे. राज्यात ५ कृषी व फलोत्पादन विद्यापीठे असून, विद्यापीठांच्या सतत देखरेखीखाली प्रत्येकी एक हजार एकर क्षेत्रात नैसर्गिक शेती करण्यात आली असून, पिकांच्या गुणवत्तेपासून उत्पादनापर्यंत, कृषी प्रयोगशाळेत चाचण्या झाल्या आहेत असे बोम्मई यांनी स्पष्ट केले.

राज्य सरकारचे वरिष्ठ अधिकारी या व्हिडिओ संवादात सहभागी झाले होते.