पॅनकार्ड क्लब लिमिटेड कंपनीतील पैसे अडकल्याप्रकरणी गुंतवणुकदारांच्या वतीने सेबीमध्ये दाखल करण्यात आलेल्या खटल्यात न्यायालयीन निकाल ग्राहकांच्या बाजूने आला आहे. न्यायालयाने याबाबत ग्राहकांना ऑनलाइन अर्ज करण्याचे निर्देश दिले आहेत असे पॅनकार्ड क्लब कंपनीच्या वतीने सांगण्यात आले आहे.

पॅनकार्ड क्लब लिमिटेड कंपनीने माहिती दिली आहे की, गुंतवणूकदारांच्या वतीने सेबीने दाखल केलेल्या खटल्याचा निकाल ग्राहकांच्या बाजूने आला आहे आणि न्यायालयाने पैसे परत मिळवण्यासाठी ग्राहकांना ऑनलाइन पद्धतीने अर्ज करण्याचे निर्देश दिले आहेत. पॅनकार्ड क्लबमधील गुंतवणूकदारांचे हे नशीब आहे.

गेल्या काही दिवसांपासून सेबीमध्ये प्रलंबित असलेल्या खटल्यात आम्हाला न्याय मिळाला आहे. मा. न्यायालयाने गेल्या ९ सप्टेंबरपासून यासंदर्भात ऑनलाइन अर्ज सादर करण्याचे कळविले आहे. यासंदर्भात अर्ज दाखल करण्यासाठी ९० दिवसांचा कालावधी देण्यात आला आहे. न्यायालयाच्या वैध आदेशानुसार, गुंतवणूकदारांनी ऑनलाइन पद्धतीने अर्ज भरण्यास सुरुवात केली आहे. यावेळी तांत्रिकदृष्ट्या आणि कागदपत्र सादर करताना समस्या आहे. मार्केटिंग प्रतिनिधी या संदर्भात गुंतवणूकदारांना मदत करत आहेत. त्यामुळे पॅनकार्ड क्लब लिमिटेडने अर्जदारांना कोणत्याही चुका न करता ऑनलाइन अर्ज सादर करण्याची विनंती केली.

ठेवी परत मिळवण्यासाठी ग्राहकांनी त्यांचा स्वतःचा मेल आयडी आणि मोबाइल नंबर ऑनलाइन प्रविष्ट करणे आवश्यक आहे. बँक पासबुक, आधार आणि सदस्यत्व प्रमाणपत्र सोबत असणे आवश्यक आहे. आतापर्यंत आम्ही ग्राहकांच्या हितासाठी प्रामाणिकपणे काम करत आहोत. या प्रकरणात पोलीस विभाग आणि सर्व माध्यमांनी आम्हाला मदत केली आहे. आणि यावेळी ज्यांनी सहकार्य केले त्या सर्वांचे आम्ही आभार मानू इच्छितो.

पॅनकार्ड क्लब कंपनीत गुंतवणूक केलेल्या ग्राहकांना त्यांचे पैसे परत मिळवण्यासाठी ऑनलाइन अर्ज करण्यासाठी एक लिंक दिली आहे. त्यामुळे ग्राहकांना त्यांचे पैसे परत मिळविण्यासाठी आवश्यक कागदपत्रांसह न्यायालयाने दिलेल्या या लिंकचा वापर करून अर्ज करण्याचा सल्ला देण्यात आलाय.