पंतप्रधान नरेंद्र मोदी यांच्या वाढदिवसानिमित्त भाजप बेळगांव ग्रामीण मंडळ व स्पंदन सुपर स्पेशालिटी हॉस्पिटल यांच्यावतीने बेळगाव तालुक्यातील आंबेवाडी गावात आज मोफत आरोग्य तपासणी शिबिर घेण्यात आले.

बेळगाव तालुक्यातील आंबेवाडी गावात भाजप बेळगांव ग्रामीण मंडळतर्फे आज मोफत आरोग्य तपासणी शिबिर घेण्यात आले. शिबिराचे उद्घाटन ग्राम पंचायत अध्यक्ष चेतन पाटील ह्यांच्या हस्ते श्रीफळ वाढवून करण्यात आले. व्यासपिठावर उपस्थित पाहुण्यांच्या हस्ते दीप प्रज्वलन करण्यात आले.

या प्रसंगी बोलताना भाजप बेळगांव ग्रामीण मंडळ अध्यक्ष धनंजय जाधव म्हणाले की, पंतप्रधान मोदींच्या नेतृत्वाखाली देश प्रगती करत आहे, त्यांच्या नेतृत्वाखाली देशाला आणि भारतीयांना जगामधे मानसन्मान मिळून दिला याचा आम्हाला अभिमान आहे. मी भाजपचा एकनिष्ठ कार्यकर्ता आहे. आम्ही सर्वजण मिळून देश सेवेचे व्रत घेऊया. काल 17 सप्टेंबर पासून 2 ऑक्टोबरपर्यंत सेवा पंधरवडा कार्यक्रमाअंतर्गत ग्रामीण मंडळ च्या वतीने आंबेवाडी येथे आरोग्य तपासणी अभियानाचा सर्व ग्रामस्थांनी लाभ घ्यावा असे आवाहन त्यांनी केले.

या प्रासंगिक भाजप बेळगाव ग्रामीण जिल्हा अध्यक्ष माजी आ. संजय पाटील, सुभाष पाटील व ग्राम पंचायत अध्यक्ष आदींची भाषणे झाली. या प्रसंगि मलाप्पा बेळगावकर, परशुराम चोपडे, लक्ष्मण चोपडे, रोहित चोपडे, संतोष लोहार, प्रदीप पाटील, प्रकाश पुजारी, यल्लाप्पा राक्षे, विक्रम यळगूकर, संजय ढोपे, ओमानी ढोपे, मल्लव्वा जंगम, जयश्री नाईक, मारुती धामनेकर व आशा कार्यकर्त्या आदी उपस्थित होते.