खानापूर पोलीस प्रशिक्षण विद्यालयात रक्तदान शिबिराचे आयोजन करण्यात आले होते. या शिबिरात सुमारे 150 पोलीस प्रशिक्षणार्थींनी रक्तदान केले.
यावेळी बोलताना डॉ.मंजुनाथ दलवाई म्हणाले की, खानापूर तालुका आरोग्य विभागाच्या वतीने पोलीस प्रशिक्षण विद्यालयाच्या सहकार्याने रक्तदान शिबिराचे आयोजन करण्यात आले आहे. या शिबिरात शंभरहून अधिक पोलीस प्रशिक्षणार्थींनी रक्तदान करून हा कार्यक्रम यशस्वी केला.

तालुका आरोग्य विभागाच्या सहकार्याने पार पडलेल्या या शिबिराचे नियोजन तालुका आरोग्य अधिकारी डॉ. संजय नांद्रे यांनी स्वतः केले. तसेच डॉ.मंजुनाथ दलवाई, भिरप्पा पिल्लई, गीता उडीकेरी, हेमा नाडागौद्र, तमन्ना आदी कर्मचाऱ्यांनी शिबीर यशस्वी होण्यासाठी परिश्रम घेतले.