मुसळधार पावसामुळे भले मोठे झाड दुचाकीवर कोसळून झालेल्या दुर्घटनेत दुचाकीस्वार जागीच ठार झाल्याची घटना बेळगावातील आरटीओ चौकाजवळ आज सकाळी घडली आहे.
होय, सततच्या पावसाने मुळे शिथिल झालेले एक मोठे झाड उन्मळून पडल्याने एका युवा दुचाकीस्वाराचा जागीच मृत्यू झाला तर अन्य एकजण जखमी झाला. ही घटना आज, मंगळवारी सकाळी बेळगावातील चन्नम्मा चौक ते आरटीओ चौकाच्या दरम्यान घडली.
या दुर्घटनेत हेल्मेट असुनही दुचाकीचालकाचा मृत्यू झाला. त्याची ओळख अद्याप पटलेली नाही.
भर रस्त्यातच झाड कोसळल्याने वाहतूक ठप्प झाली होती. वाहतूक पोलिसांनी घटनास्थळी धाव घेऊन वनखात्याच्या कर्मचाऱ्यांचा मदतीने झाड हटविण्याचे प्रयत्न सुरु केले आहेत.
Recent Comments