केपीटीसीएलच्या कनिष्ठ सहाय्यक परीक्षा बेकायदेशीर प्रकरणाची गंभीर दखल घेतलेल्या एसपी डॉ. संजीव पाटील यांच्या नेतृत्वाखालील पथकाला 9 आरोपींना अटक करण्यात यश आले आहे.

होय, अलीकडे केपीटीसीएलच्या कनिष्ठ सहाय्यक परीक्षेतील गैरप्रकाराबद्दल बरीच ओरड झाली होती. बेळगावचे एसपी डॉ. संजीव पाटील यांच्या नेतृत्वाखालील तपास पथकाने प्रकरणाच्या मुळापर्यंत जात 9 आरोपींच्या मुसक्या आवळल्या आहेत.

गेल्या 7 ऑगस्ट रोजी केपीटीसीएलने कनिष्ठ सहाय्यक पदासाठी स्पर्धा परीक्षा घेतली होती. परीक्षा सुरू असताना 13 उमेदवारांनी गैरमार्गाचा अवलंब करून उत्तरे लिहिल्याच्या माहितीचा पोलिसांनी पाठपुरावा केला. परीक्षेतील गैरप्रकारांचा छडा लावण्यासाठी पोलिसांनी दोन पथके स्थापन केली आहेत. गोकाक जीएस कॉलेजच्या परीक्षा केंद्रात अनियमितता झाल्याचे सांगण्यात येत असून पोलिसांनी तपास केला आहे. यावेळी सिद्धप्पा मडिहळ्ळी नावाच्या परीक्षार्थींने स्मार्ट घड्याळाचा वापर करून परीक्षेत गैरप्रकार केल्याची माहिती उघड झाली आहे.

या आरोपीने स्मार्ट वॉचवरून प्रश्नपत्रिकेचा फोटो काढून तो टेलिग्राम ऍपद्वारे दुसऱ्या आरोपीला पाठवला. दुसर्याने तिसऱ्याला पाठवला. या तिसऱ्या आरोपीला पोलिसांनी अटक करून त्याची चौकशी केली. त्यात ब्ल्यू टूथ डिव्हाईसचा वापर करून परीक्षेत गैरप्रकार केल्याची माहिती समोर आली आहे. हुक्केरी तालुक्यातील बीके शिरहट्टी गावातील एका फार्म हाऊसवर पोलिसांनी छापा टाकला. या घरात बसून आरोपींनी अनेकांना ब्ल्यू टूथवर उत्तरे पुरविल्याची माहिती मिळाली आहे. तसेच गदग मनपा पीयू कॉलेज केंद्राची प्रश्नपत्रिका आरोपीकडे उपलब्ध होती. प्रश्नपत्रिका फोडणाऱ्या पिता-पुत्राला बेळगाव पोलिसांनी अटक केली आहे.या प्रश्नपत्रिकेच्या आधारे परीक्षेदरम्यान आरोपींनी या ब्लू टूथद्वारे उमेदवारांना उत्तरे पुरविल्याची माहिती आहे. परीक्षेत गैरप्रकार प्रकरणाचा पाठपुरावा करणारे बेळगावचे एसपी डॉ. संजीव पाटील यांच्या नेतृत्वाखालील पथकाला यापूर्वीच 9 आरोपींना अटक केली आहे. परीक्षा प्राधिकरणाकडे या प्रकरणाचा सर्वंकष अहवाल सादर करण्याचा निर्णय घेण्यात आला आहे. फ्लो

या प्रकरणाबद्दल माहिती देताना, एसपी डॉ. संजीव पाटील म्हणाले, केपीटीसीएलचे कनिष्ठ सहाय्यक परीक्षेत गैरप्रकार झाल्याची माहिती आम्हाला शिक्षण विभागाच्या अधिकाऱ्यांनी दिली होती. यावेळी गोकाक शहरातील  एका सेंटरमध्ये हे अवैध धंदे सुरू असल्याची माहिती तपासात मिळाली. याप्रकरणी आम्ही गोकाक पोलिस ठाण्यात गुन्हा दाखल करून तपास सुरू केला. यावेळी स्मार्ट घड्याळ वापरून प्रश्नपत्रिकेचे फोटो काढणाऱ्या आरोपीला आम्ही ताब्यात घेतले आहे. एक आरोपी आम्हाला हुक्केरी तालुक्यातील शिरहट्टी बीके गावात घेऊन गेला. त्याने एका जागी बसून काही लोकांच्या मदतीने उत्तरे पुरविली. या ठिकाणी आम्हाला सीपीयू, प्रिंटर आणि प्रश्नपत्रिका मिळाली. चौकशीत त्याने ब्लूटूथचा वापर करून या अवैध कृत्य केल्याची माहिती पोलिसांना दिली.

या प्रकरणाच्या गदग जिल्ह्याची लिंक शोधताना ही प्रश्नपत्रिका साडेचार लाख रुपयांना विकल्याचे समोर आले. आरोपींनी याआधीच प्रश्नपत्रिकेसाठी चार लाख रुपये दिले आहेत. या प्रकरणातील मुख्य आरोपीने बँकेत ठेवलेले सोन्याचे दागिने या रकमेतून सोडवले आहेत. तेच सोन्याचे दागिने पुन्हा बँकेत जमा करून कर्ज घेतल्याचे समोर आले आहे. आरोपीने यापूर्वी पोलिस हवालदार म्हणून सेवा बजावताना बेकायदेशीर कृत्ये केल्याने त्याला पोलिसांचा पाहुणा बनावे लागले होते. तो पुन्हा जामिनावर बाहेर आला असून तो पुन्हा या परीक्षेतील गैरव्यवहारात अडकला आहे. दुसरा आरोपी गोकाक येथे स्पर्धा परीक्षांचे प्रशिक्षण केंद्र चालवत असून तीन आरोपी फरार आहेत. या आरोपींना शोधण्यासाठी पोलिसांनी जाळे विणल्याचे त्यांनी एसपी पाटील यांनी सांगितले. बाइट