अवयव दानाबाबत जनजागृती करण्यासाठी केएलई संस्था आणि चेन्नईच्या मोहन फाऊंडेशनच्या वतीने आज बेळगावात भव्य स्केटिंग, बाईक आणि सायकल रॅलीचे आयोजन करण्यात आले.

होय, ब्रेन डेड व्यक्तीच्या अवयव दानाबाबत जनजागृती करण्यासाठी, बेळगावात आज केएलई संस्थेचे डॉ. प्रभाकर कोरे हॉस्पिटल आणि मेडिकल रिसर्च सेंटर, चेन्नईचे मोहन फौंडेशन आणि राज्य सरकारच्या जीवसार्थकता विभागातर्फे अवयवदानाविषयी जनजागृती करण्यासाठी टिळकवाडीतील आरपीडी सर्कलपासून  स्केटिंग, सायकल आणि बाइक रॅलीचे आयोजन करण्यात आले होते.

मयुरा शिवलकर आणि ट्रॅफिक पोलिस आफताब एस. के. यांच्या हस्ते आज सकाळी 8.45 वाजता या रॅलीला चालना देण्यात आली. शहरातील आरपीडी सर्कल, गोवावेस-बसवेश्वर सर्कल, गोगटे सर्कल, फिश मार्केट, छत्रपती संभाजी सर्कल, कॉलेज रोड, चेन्नम्मा सर्कल, श्रीकृष्ण देवराय सर्कल अशा मार्गावरून फिरून ही रॅली डॉ. प्रभाकर कोरे हॉस्पिटल आणि केएलई संस्थेच्या वैद्यकीय संशोधन केंद्रावर पोहोचली. रॅलीत विविध संघटनांचे पदाधिकारी, विविध खेळाडू, शाळकरी मुले आणि सर्वसामान्य नागरिक सहभागी झाले होते.

रॅलीत सहभागी झालेल्या एका नागरिकाने रॅलीला संबोधित करताना सांगितले की,  गेल्या वर्षभरापासून अवयवदानाच्या महत्त्वाबाबत लोकांमध्ये जागृती होत आहे. मात्र सर्वसामान्य नागरिकांसह सर्वांमध्ये मोठ्या प्रमाणात जनजागृती व्हावी या उद्देशाने आज आम्ही बेळगाव शहरात जनजागृती रॅली काढली आहे. या रॅलीमध्ये सायकलस्वार, बाईकस्वार आणि स्केटिंगपटू सहभागी झाले आहेत. आम्ही बेळगाव शहरात मोहीम राबवून सर्वसामान्यांमध्ये या अवयव दानाच्या महत्त्वाबाबत जनजागृती करत आहोत. ब्रेन डेड व्यक्तींचे अवयव दान करून एखाद्याच्या आयुष्यात प्रकाश आणणे शक्य आहे. त्यामुळे लोकांमध्ये याबाबत जनजागृती करण्यात येत असल्याचे त्यांनी सांगितले.

या वेळी बोलताना रामण्णावर चॅरिटेबल ट्रस्टचे डॉ. महांतेश रामण्णावर, बेळगावात जनतेमध्ये अवयवदानाची जनजागृती करण्याच्या उद्देशाने केएलई संस्थेच्या सहकार्याने आज रॅली काढण्यात आली. मेंदू मृत असताना या व्यक्तीचे अवयव दान करणे गरजेचे आहे, याबाबत लोकांमध्ये जनजागृती करण्याच्या उद्देशाने अवयवदानाबाबत जनजागृती करण्यात येत आहे. अवयव प्रत्यारोपण या आधीच केएलई डॉ. प्रभाकर कोरे हॉस्पिटलकडून यशस्वीपणे केले जात आहे. त्यामुळे लोकांमध्ये याबाबत जनजागृती करण्यासाठी आज जनजागृती रॅली काढल्याचे त्यांनी सांगितले.

दरम्यान, सामाजिक कार्यकर्ते व माजी महापौर विजय मोरे म्हणाले की, बेळगाव शहरात अवयवदानाबाबत जनजागृती करण्याच्या उद्देशाने ही रॅली काढण्यात येत आहे. अनेक रुग्णांना विविध अवयवांची गरज आहे. मानवामध्ये मेंदू निकामी झाल्यास अशा व्यक्तींचे अवयव दान करण्यासाठी पुढे आले पाहिजे. यासाठी लोकांमध्ये जागृती केली जात आहे. केएलई रुग्णालयात यापूर्वीही अशा प्रकारे अनेकांना हृदय प्रत्यारोपण करण्यात आले आहे. त्यामुळे जनतेला याची जाणीव होणे गरजेचे आहे असे त्यांनी सांगितले.

दरम्यान, रॅलीला बेळगावकरांनी चांगला प्रतिसाद दिला. अनेक शाळांचे विद्यार्थी, खेळाडू, बेळगावातील विविध संघटनांचे सदस्य आणि नागरिक या रॅलीत उत्स्फूर्तपणे सहभागी झाले होते.