अथणी येथे आज पहाटे भीषण अपघात झाला असून यात दोन्ही वाहनांचे चालक जागीच ठार झाले तर दहाहून अधिक विध्यार्थी जखमी झाले.

होय, बेळगाव जिल्ह्यातील अथणी शहरात स्कूल बस आणि मालवाहू वाहन यांच्यात भीषण अपघात झालाय.

बनजवाड शिक्षण संस्थेची स्कूल बस आणि मालवाहू ट्रकमध्ये समोरासमोर धडक झाल्याने दोन्ही वाहनांच्या  चालकांचा जागीच मृत्यू झाला. अपघातात दहाहून अधिक विद्यार्थी गंभीर जखमी .झाले आहेत.

अथणीच्या शिवारात मीरज रस्त्यावर हा अपघात झाला. जखमी विद्यार्थ्यांना स्थानिक रुग्णालयात उपचारांसाठी हलवण्यात आले.

कॉलेजपासून अवघ्या शंभर मीटर अंतरावर स्कूल बस आणि मालवाहू वाहन यांच्यात अपघात झाला.

अपघातानंतर घटनास्थळी गर्दी मोठी झाली. मुलांच्या पालकांमध्ये चिंता दिसून आली. अथणी पोलिसांनी घटनास्थळी जाऊन पाहणी केली. अग्निशमन दलाच्या जवानांनी मृत चालकांचे मृतदेह वाहनातून बाहेर काढले.