सरकारी नोकरी देण्याच्या बहाण्याने फसवून एका निरपराध व्यक्तीवर चाकूने हल्ला करणाऱ्या खतरनाक भामट्या स्वामीला मुडलगी पोलिसांनी अटक केली आहे.

होय, ज्याच्या गळ्यात इतकी रुद्राक्ष आणि अंगभर भगवे कपडे पाहून याला साष्टांग नमस्कार घालावा की काय असे वाटेल, पण या भामट्या स्वामीने असे नीच कृत्य केले आहे ते ऐकून तुम्हाला राग आल्याशिवाय राहणार नाही. मुडलगी तालुक्यातील हल्लूर गावातील अल्लम प्रभू हिरेमठ असे अटक केलेल्या या भामट्या स्वामीचे नाव आहे. एससी कोट्यातील डी श्रेणीची सरकारी नोकरी देण्याचे आमिष दाखवून ६ महिन्यांपूर्वी मूडलगी येथील संतोष हवळेद्दगोळ यांच्याकडून ४ लाख रुपये या स्वामीने उकळले होते. नंतर पैसे परत मागितले असता त्याने शिवीगाळ व दमदाटी केली. 15 ऑगस्ट रोजी पैसे मागण्यासाठी संतोष गेले असता या स्वामीने आपल्या साथीदारांसह संतोषवर चाकूने पाठीवर व पायावर वार केले. आता आरोपी अल्लम प्रभू हिरेमठ याला मुडलगी पोलिसांनी अटक केली आहे.

एवढंच नाही तर अल्लमप्रभू हिरेमठ या आरोपीविरुद्ध आणखी एक फसवणुकीची तक्रारही दाखल करण्यात आली आहे. ईव्हीएम हॅक करून बीबीएमपी निवडणूक जिंकण्यासाठी 5 लाख रुपये घेतल्याचा आरोपही करण्यात आला आहे. बेंगळुरूचे रहिवासी प्रशांतकुमार यांनी दिलेल्या तक्रारीवरून अल्लमप्रभू हिरेमठ याच्या विरोधात मुदलगी पोलिस ठाण्यात एफआयआर नोंदवण्यात आला आहे. अशा प्रकारे पैशासाठी नोकरी देतो आणि बीबीएमपी निवडणुकीत जिंकून आणतो, अशी फसवणूक करणाऱ्या आरोपीला मूडलगी पोलिसांनी बेड्या ठोकल्या आहेत. या प्रकरणी माहिती देताना एसपी डॉ.संजीव पाटील यांनी सांगितले की, फसवणूक व मारहाणीचा गुन्हा दाखल करून आरोपीला अटक करून न्यायालयापुढे हजर केले असता न्यायाधीशांनी त्याला न्यायालयीन कोठडी सुनावली. गोकाक डीएसपी यांनी पुढील तपास हाती घेतला आहे. एसपींनी जनतेला आवाहन केले की, जर त्यांनी या व्यक्तीकडून किंवा इतर कोणाकडूनही लाच मागितली की, मी सरकारी नोकरी देतो किंवा परीक्षा उत्तीर्ण करतो, तर त्यांनी जवळच्या पोलीस ठाण्यात तक्रार केल्यास त्यांच्यावर कायदेशीर कारवाई करू.

एकंदर, स्वामीच्या वेशात निरपराध लोकांची फसवणूक करणारा हा इसम आता तुरुंगात पोलिसांचा पाहुणा बनला आहे. सध्या त्याने केवळ दोन जणांची फसवणूक केल्याचे प्रकरण समोर आले आहे. या भामट्या स्वामीने आणखी किती लोकांची फसवणूक केलीय याचे सत्य पोलिसांच्या सखोल तपासानंतरच बाहेर येणार आहे. जर तुमचीही कोणी अशी फसवणूक केली असेल तर लगेच पोलिसांना कळवा आणि काळजी घ्या.