चालकाचा ताबा सुटून भरधाव कारने केशकर्तनालय (सलून) दुकानात घुसल्याची घटना बेळगाव जिल्ह्यातील रामदुर्ग तालुक्यातील सुन्नाळ येथे आज घडली. या अपघातात सलूनचालकाच्या डोक्याला गंभीर इजा झाली असून, दोघेजण आश्चर्यकारकरित्या बचावले आहेत.

रामदुर्गहून कटकोळकडे जाणाऱ्या कारने चालकाचे नियंत्रण सुटल्याने कटिंगच्या दुकानाला धडक दिली. या दुर्घटनेत कटिंग दुकानचे मालक सिद्धप्पा आमटूर यांच्या डोक्याला गंभीर दुखापत झाली. सुदैवाने कारमधील चालक आणि दहा वर्षांचा मुलगा सुखरूप बचावला.

सलून मालकाच्या डोक्याला गंभीर दुखापत झाल्याने त्याला तालुका सार्वजनिक रुग्णालयात दाखल करण्यात आले आहे. कटकोळ पोलीस ठाण्याच्या पोलिसांनी घटनास्थळी भेट देऊन घटनेचा पंचनामा करून गुन्हा नोंदवून घेतला आहे.