बेळगाव तालुक्यातील भुतरामनहट्टी गावात आज सकाळी एका घराची भिंत कोसळली. मुसळधार पावसामुळे घडलेल्या या घटनेत सुदैवाने दोन महिन्यांचे बाळ व आई बचावली.

भीमराय पाटील यांचे हे घर आहे. ही घटना काकती पोलीस ठाण्याच्या हद्दीत घडली आहे. आठ्वडाभरापासून संततधार कोसळत असलेल्या पावसामुळे भीमराय पाटील यांच्या घराची भिंत कोसळली.त्यावेळी अवघ्या दोन महिन्यांचे बाळ आणि त्याची आई सुदैवानेच बचावली. त्यामुळे ‘देव तारी त्याला कोण मारी?’ या म्हणीचा प्रत्यय आला आहे.