बेळगाव शहरात मोहरमचा सण मोठ्या भक्तिभावाने साजरा करण्यात आला. हिंदू–मुस्लिमांनी एकोप्याने हा सण साजरा केला.

गेल्या तीन वर्षांपासून, कोविड महामारीमुळे, सरकारने आपल्या देशातील सण आणि उत्सवांवर निर्बंध घातले होते. मात्र आता कोरोनाची काळी छाया दूर झाल्याने यंदा सर्व सण मोठ्या थाटात साजरे केले जात आहेत. मोहरम हा सण हिंदू-मुस्लिमांच्या एकतेचे प्रतीक आहे. मंगळवारी बेळगाव शहरातील कॅम्प, गांधीनगर, शहापूर, पीरनवाडी, मच्छे, रुक्मिणीनगरसह अनेक ठिकाणाहून आलेली पंजा मिरवणूक दरबार गल्लीतील जामिया मशिदीसमोर जमा झाल्या.मुहर्रम हा मुस्लिमांसाठी सर्वात महत्वाचा महिना आहे आणि इस्लामिक नवीन वर्षाची सुरुवात या महिन्यात होते. मोहरमचा महिना सुरू होताच इस्लाम धर्मीयांसाठी नवीन वर्ष सुरू होते. आणि मोहरमचा सणही सुरू होतो. हा सण 10 दिवस साजरा केला जातो. मोहरम हा सण हिंदू आणि मुस्लिमांच्या अध्यात्माचे प्रतीक आहे. या सणात हिंदूंचाही महत्त्वाचा वाटा आहे. मोहरमच्या दहाव्या दिवसाला आशुरा म्हणतात. मुस्लिमांसाठी हा महत्त्वाचा दिवस आहे. प्रेषित मुहम्मद यांची मुलगी बीबी फातिमा हजरत अली यांची मुले इमाम हसन आणि इमाम हुसैन यांनी इस्लामसाठी बलिदान दिले. हा दिवस जगभरात शोक दिन म्हणून साजरा केला जातो. बेळगाव शहर व तालुक्यात मोहरम सण भक्तिभावाने साजरा करण्यात आला.