आता जिकडेतिकडे मोहरमचा सणाची धूम सुरु आहे. ऐतिहासिक विजापूर शहरात मोहरम सणाचा एक भाग म्हणून मुलांना वाघाच्या वेशभूषेत रंगवण्यात आले.

विजापूर शहरातील उप्पली बुरुजाजवळ वेशभूषाकार नारायण काळे यांच्या नेतृत्वाखाली छोट्या मुलांना व तरुणांना वाघासारखी रंगरंगोटी करण्यात आली.  विशेषत: मोहरमचा सण सुरू झाला की टिमकीचा आवाज ऐकू येतो. लहान मुले, मोठी माणसे आवाजाने फसवणाऱ्या वाघांना बघायला बाहेर पडतात. मुले ”वाघ आला रे, वाघ आला” म्हणत धावतात, सगळेजण हे रंगवलेले वाघ पाहून खुश होतात. वाघाची वेशभूषा केलेला तरुण टिमकीच्या तालावर वाघाच्या आवाजात आपला पंजासारखे पाऊल टाकून लोकांचे मनोरंजन करतो. लोकही लहान सहान काहीतरी देऊन या वाघांना प्रोत्साहित करतात. वाघासारखा चेहरा रंगवणे सोपे काम नाही. रंग किमान पाच दिवस टिकला पाहिजे.

रंगाने त्वचा घट्ट होते आणि काही प्रमाणात दुखते. परंतु आपण देवासाठी करत असलेल्या या भक्तीत सर्व दुःख नाहीसे होतात. एकामागून एक वाघ वेशभूषाकार दहा ते पंधरा वर्षांपासून स्वतःला रंगवून परंपरा साजरी करत आहेत. काही लोक मागणी पूर्ण झाल्यामुळे वाघाची वेषभूषा करतात, तर काही लोक वाघासारखे कपडे घालतात. कारण त्यांच्या आजोबांच्या काळापासून घरात वाघासारखे रंगवून घेण्याची परंपरा आहे. मोहरममध्ये चेहऱ्यावर वाघासारखा रंग लावून नाचणाऱ्यांची संख्या अलीकडे कमी होत आहे. पण या वाघांच्या नृत्याचा आनंद लुटणाऱ्यांची संख्या कमी झालेली नाही. शहरी भागात वाघासारखे रंगवून घेत फिरणारे लोक कमी आहेत. पण ही प्रथा आजही ग्रामीण भागात प्रचलित आहे.