शाळेला जाणाऱ्या विद्यार्थ्यांच्या दुचाकीला भरधाव ट्रकने धडक दिल्याने एका विद्यार्थी जागीच ठार झाला तर दोन जण गंभीर जखमी झाले. हा अपघात आज सकाळी बेळगावातील कॅम्प परिसरात खानापूर रोडवर झाला.

बेळगावातील कॅम्प परिसरात खानापूर रोडवरील वेलकम हॉटेलसमोर आज, बुधवारी सकाळी भीषण अपघात झाला आहे. या घटनेत एका विद्यार्थ्याचा जागीच मृत्यू झाला. तर दोघे गंभीर जखमी झाले. अपघातानंतर संतप्त तरुणांनी लॉरीवर दगडफेक करून ट्रकच्या काचा फोडल्या. अपघातामुळे कॅम्प परिसरात तणावाचे वातावरण निर्माण झाले होते.

भाऊ-बहीण दुचाकीवरून जात होते तर एक पादचारी विध्यार्थी शाळेत जाण्यासाठी रस्ता ओलांडत होते. यावेळी यमरूपी ट्रकने येऊन दुचाकीला धडक दिली. त्यात अरहान बेपारी याचा जागीच मृत्यू झाला. बहीण अतिका ​​आणि आयुष आजरेकर हा ज्योती सेंट्रल स्कूलचा विद्यार्थी गंभीर जखमी झाला. जखमींना जिल्हा रुग्णालयात दाखल करण्यात आले आहे. तोपर्यंत शेकडो लोक या ठिकाणी जमा झाले होते. अपघात झालेल्या ट्रकवर त्यांनी दगडफेक केली  आणि रॉडने हल्ला करून ट्रकच्या काचा फोडल्या. आ. अनिल बेनके, डीसीपी पीव्ही स्नेहा यांनी घटनास्थळी भेट देऊन पाहणी केली. बेळगाव दक्षिण वाहतूक पोलीस ठाण्याच्या हद्दीत ही घटना घडली.