बेळगावातील टिळकवाडी येथील जी. जी. चिटणीस इंग्लिश मीडियम स्कूलमध्ये लोकमान्य बाल गंगाधर टिळक यांची पुण्यतिथी गांभीर्याने पाळण्यात आली.

टिळकवाडी येथील ज्ञानदीप शैक्षणिक संस्थेच्या जी. जी. चिटणीस इंग्लिश मीडियम स्कूलमध्ये आयोजित कार्यक्रमात मान्यवरांनी बाल गंगाधर टिळक यांच्या प्रतिमेस पुष्पहार अर्पण करून अभिवादन केले. तत्पूर्वी, मान्यवरांनी भारतमाता भुवनेश्वरी देवी यांच्या प्रतिमेचे पूजन केले.यावेळी प्रमुख पाहुणे म्हणून आरएल लॉ कॉलेजचे निवृत्त प्राचार्य व्ही. एन. जोशी उपस्थित होते. माजी सैनिक यशवंत डिचोलकर प्रमुख पाहुणे म्हणून उपस्थित होते. यावेळी व्यासपीठावर शाळेचे अध्यक्ष चंद्रहास अणवेकर, शाळेच्या मुख्याध्यापिका डॉ. नवीना शेट्टीगार आदी उपस्थित होते. यानंतर मान्यवरांच्या हस्ते भाषण, निबंध व वेशभूषा स्पर्धेत विजयी झालेल्या विद्यार्थ्यांना पारितोषिक वितरण करण्यात आले. यावेळी इलकल येथील लिंगैक्य महंत शिवयोगी यांच्या जयंतीनिमित्त विध्यार्थ्यांना व्यसनमुक्तीची प्रतिज्ञा देण्यात आली. कार्यक्रमास शाळेतील शिक्षक व विद्यार्थी उपस्थित होते.