आपण किती सेवा केली हे महत्त्वाचे आहे. सोहम म्हणण्याऐवजी दासोहम म्हणावे, स्वतःच्या फायद्यासाठी संस्था काढण्याऐवजी जिथे गरज आहे तिथे त्यागाच्या भावनेने निस्वार्थीपणे काम करावे असे आवाहन प्रा. बी. एच. मारद यांनी केले.

बेळगावातील महांतेश नगर येथील हलकट्टी भवन येथे लिंगायत संघटनेतर्फे साप्ताहिक सत्संग व विशेष व्याख्यानाचे आयोजन करण्यात आले होते. प्रारंभी मान्यवरांनी विश्वगुरू बसवण्णा यांच्या प्रतिमेला पुष्पहार अर्पण करून अभिवादन केले.

यावेळी जी. ए. कॉलेजचे व्याख्याते बी. एच. मारद यांचे “संघटना आणि सेवा’ या विषयावर विशेष व्याख्यान झाले. संस्थेसाठी सेवा महत्वाची आहे. नि:स्वार्थीपणा, सेवा हीच संस्था पुढे नेऊ शकते. आपण सर्वांनी स्वतःसाठी घर बांधले तर संत बसवण्णांनी सर्वांसाठी एक उत्तम घर बांधले. आता आम्ही संघटना बांधतो आणि म्हणतो मी महत्वाचा आहे. इथे मी महत्वाचा नाही तर संघटना महत्वाची आहे. नि:स्वार्थ सेवा आवश्यक आहे. सेवेचा लाभ लगेच मिळत नाही, कालांतराने त्याची खूण कायम राहते. तेरेसा यांना संपूर्ण जग आई म्हणते. त्यांनी केलेल्या सेवेतून आहे. कडोली गावातील पर्यावरणप्रेमींनी अनेक झाडांची लागवड करून अनेक तलाव बांधले आहेत. शिवाजी कागणीकर यांच्यासारख्या, बाबा आमटे यांच्यासारख्या सेवेची आता खरी गरज असल्याचे ते म्हणाले.

लिंगायत संघटनेचे अध्यक्ष ईरन्ना देयण्णावर यांनी कार्यक्रमाच्या अध्यक्षस्थानावरून बोलताना, संघटना ही समाज घडवण्यासाठी आहे, आपल्या वाढीसाठी नाही. संघटना वाढली तर आपण आपोआप वाढतो. समाजाने सत्संगाला यावे असे आवाहन केले.

या प्रसंगी गेल्या 18 वर्षांपासून संस्थेसाठी कार्यरत असलेले सुरेश नरगुंद व सदाशिव देवरमणी यांचा संस्थेच्या वतीने सत्कार करण्यात आला. या महिन्यात जन्मलेल्या सर्व शरण-शरणांचा वाढदिवस सामूहिकपणे साजरा करण्यात आला. शरण शांता इंचल यांनी दासोह सेवा दिली होती. बी. के. पाटील, रमेश कळसन्नावर, शशिभूषण पाटील, एम. वाय. मेणसिनकाई, शिवानंद तल्लुर, संगमेश अरळी आदींसह संस्थेचे सदस्य यावेळी उपस्थित होते. कार्यक्रमाच्या प्रारंभी सामूहिक प्रार्थना झाली. बाळम्मा वस्त्रद यांनी वचनगान सादर केले. वचन मंगलाने कार्यक्रमाची सांगता झाली.