बेळगाव जिल्ह्यातील बैलहोंगल तालुक्यातील जालीकोप्प गावात कार आणि दुचाकी यांच्यात झालेल्या भीषण अपघातात एकाच कुटुंबातील दोन जण ठार झाले.

बैलहोंगल तालुक्यातील चिवटगुंडी गावचे रहिवाशी असलेले 11 वर्षीय संदीप मल्लूर आणि 46 वर्षीय शिवप्पा मल्लूर अशी मृतांची नावे आहेत. वीरण्णा चन्नाबसप्पा बगनाळ (वय ३२) हा या अपघातात गंभीर जखमी झाला आहे.

अपघातग्रस्त कार बैलहोंगलवरून धारवाडकडे निघाली असताना हा अपघात झाला. या अपघातात एका मुलाचा जागीच मृत्यू झाला आणि दुसऱ्या जखमीला रुग्णालयात नेताना वाटेतच त्याचा मृत्यू झाल्याची माहिती आहे. याप्रकरणी बैलहोंगल पोलिस ठाण्यात गुन्हा दाखल करण्यात आला आहे.