विजेचा धक्का लागून तीन बकऱ्यांचा मृत्यू झाल्याची घटना निपाणी तालुक्यातील कोगनोळी गावात घडली.

सत्यप्पा गोराडे यांच्या मालकीच्या ३ बकऱ्या विजेचा धक्का लागून ठार झाल्या आहेत. हंचिनाळ रस्त्याजवळ बकरी चारत असताना कोसळून पडलेल्या वीजभारित तारेला त्यांचा स्पर्श झाल्याने त्यांचा मृत्यू झाला. या बकऱ्यांची अंदाजे किंमत 60-70 हजार रुपये आहे. या घटनेला जबाबदार असणाऱ्या हेस्कॉमने या बकऱ्यांच्या मृत्यूची भरपाई द्यावी, अशी मागणी बकऱ्यांच्या मालकांनी केली आहे. हेस्कॉमच्या अधिकाऱ्यांनी घटनास्थळी भेट दिली आहे. ही घटना निपाणी ग्रामीण पोलीस ठाण्याच्या हद्दीत घडली आहे.