केएसआरटीसीच्या २ बसची समोरासमोर धडक झाल्याने चालकासह १० प्रवासी जखमी झाले. हा अपघात बेळगाव–बागलकोट रस्त्यावर हलकी क्रॉसजवळ आज, शुक्रवारी सकाळी झाला.

बेळगाव जिल्ह्यातील सौंदत्ती तालुक्यातील हलकी क्रॉसजवळ आज, शुक्रवारी सकाळी २ बसची समोरासमोर धडक होऊन अपघात झाला. सुदैवानेच या अपघातात मोठी प्राणहानी झाली नाही. मात्र चालकासह १० प्रवासी किरकोळ जखमी झाले. जखमींवर स्थानिक रुग्णालयात दाखल केले आहे. दोन्ही बसच्या दर्शनी भागाचा चुराडा झाला आहे. मुरगोड पोलिसांनी अपघाताचा पंचनामा केला.