शेतात बेकायदेशीरपणे गांजाची लागवड करणाऱ्या एका शेतकऱ्याला अटक करून २ लाख ५८ हजार रुपये किमतीचा गांजा जप्त करण्यात बेळगावातील डीसीआरबी आणि सीईएन पोलिसांना यश आले आहे.

होय, गोकाक तालुक्यातील मीडकनहट्टी गावातील परप्पा शिवलिंगप्पा सवसुद्दी याने आपल्या शेतात गांजाची लागवड केल्याची माहिती डीसीआरबी आणि सीईएन पोलिसांना मिळाली होती. त्यावरून सापळा रचून डीसीआरबीचे पीएसआय बसगौडा पाटील आणि सीईएन विभागाचे पीएसआय नागनगौडा कट्टीमनीगौडर यांच्या नेतृत्वाखालील गोकाक ग्रामीण पोलिसांच्या पथकाने सवसुद्दी याच्या शेतावर छापा मारला. त्यावेळी त्याने शेतात गांजाची लागवड केल्याचे आढळून आले. यावेळी ४३ हजार रुपये किमतीचा ४ किलो ३०० ग्रॅम अर्धवट वाळलेला गांजा, २ लाख १५ हजार रुपये किमतीचा २१ किलो ५०० ग्रॅम ओला आणि तोडलेला गांजा जप्त करण्यात आला. या प्रकरणी परप्पा शिवलिंगप्पा सवसुद्दी याला अटक करून न्यायालयात हजर करण्यात आले असता न्यायालयाने त्याला न्यायालयीन कोठडी सुनावली. या प्रकरणी सीईएन पोलीस ठाण्यात गुन्हा दाखल करण्यात आला असून, अधिक तपास सुरु आहे.